News


దీర్ఘకాలానికి నిలకడైన రాబడులు

Monday 16th September 2019
personal-finance_main1568608230.png-28398

  • ఈ సమయంలో అనుకూలమైన పథకం
  • యాక్సిస్‌ స్మాల్‌క్యాప్‌ ఫండ్‌

స్మాల్‌క్యాప్‌ స్టాక్స్‌లో పెట్టుబడులకు ఆసక్తితో ఉన్నవారు ప్రస్తుత సమయంలో తప్పకుండా తమ పెట్టుబడులు కొనసాగించడం ఎంతో అనుకూలం. ఎందుకంటే గత ఏడాదిన్నర కాలంలో స్మాల్‌క్యాప్‌ స్టాక్స్‌ ఎంతో దిద్దుబాటుకు గురయ్యాయి. దీంతో వాటి విలువలు అత్యంత ఆకర్షణీయమైన స్థాయికి చేరాయి. ఫలితంగా ఈ స్టాక్స్‌లో పెట్టుబడులు పెట్టే స్మాల్‌క్యాప్‌ మ్యూచువల్‌ ఫండ్స్‌ యూనిట్ల ధరలు కూడా తగ్గాయి. స్మాల్‌క్యాప్‌ విభాగంలో దీర్ఘకాలం పాటు ఇన్వెస్ట్‌ చేయాలనుకునే వారు ఇప్పటి నుంచి ఆరంభించడం మంచిదే అవుతుంది. ఈ విభాగంలో యాక్సిస్‌ స్మాల్‌క్యాప్‌ ఫండ్‌ ఒకానొక మంచి పనితీరు చూపిస్తున్న పథకం. ఈ పథకం 2018 నవంబర్‌ నుంచి ఓపెన్‌ ఎండెడ్‌ పథకంగా మారింది. అంతకుముందు వరకు క్లోజ్‌ ఎండెడ్‌ ఫండ్‌ ఇది. ఓపెన్‌ ఎండెడ్‌కు మారినందున ఎప్పుడైనా ఇన్వెస్ట్‌ చేయవచ్చు. పెట్టుబడులను వెనక్కి తీసుకోవచ్చు.
రాబడులు...
బీఎస్‌ఈ స్మాల్‌క్యాప్‌ టీఆర్‌ఐ గతేడాది కాలంలో 25.5 శాతం పడిపోయింది. అంటే ఈ విభాగం ఎంత ఆకర్షణీయంగా మారిందో తెలుస్తోంది. దీంతో అధిక రిస్క్‌ తీసుకునే వారికి పెట్టుబడుల పరంగా ఇది అనుకూల సమయమే అవుతుంది. స్మాల్‌క్యాప్‌ విభాగంలో పెట్టుబడులు అధిక రిస్క్‌తో కూడుకుని ఉంటాయి. కాకపోతే సిప్‌ మార్గంలో క్రమం తప్పకుండా ఇన్వెస్ట్‌ చేయడం ద్వారా దీర్ఘకాలంలో రిస్క్‌ లేకుండా చూసుకోవచ్చు. ఈ పథకం పనితీరు గడచిన ఐదేళ్ల కాలంలో ఆకర్షణీయంగా ఉంది. గత ఏడాది కాలంలో నిఫ్టీ స్మాల్‌క్యాప్‌ 100 టీఆర్‌ఐ 27.4 శాతం పడిపోయింది. అయినా కానీ, ఈ కాలంలో యాక్సిస్‌ స్మాల్‌క్యాప్‌ ఫండ్‌ 2.4 శాతం రాబడులను ఇచ్చి సాటిలేని పనితీరు చూపించింది. అలాగే, మూడేళ్ల కాలంలో నిఫ్టీ స్మాల్‌క్యాప్‌ 100 3.4 శాతం మేర నష్టపోయింది. కానీ, ఈ మూడేళ్ల కాలంలో యాక్సిస్‌ స్మాల్‌ క్యాప్‌ పథకం ఏటా సగటున 8.6 శాతం రిటర్నులు ఇచ్చింది. ఐదేళ్ల కాలంలో నిఫ్టీ స్మాల్‌క్యాప్‌ 100 వార్షికంగా 2.1 శాతం రాబడులనే ఇస్తే, యాక్సిస్‌ స్మాల్‌క్యాప్‌ పథకం వార్షికంగా 11.7 శాతం చొప్పున రాబడులు ఇచ్చింది. క్లిష్ట సమయాల్లోనూ మంచి పనితీరు చూపించిన ఈ పథకాన్ని దీర్ఘకాలం కోసం ఇన్వెస్ట్‌ చేసే వారు తప్పకుండా పరిశీలించొచ్చు. 
పెట్టుబడుల విధానం..
మంచి వృద్ధికి అవకాశం ఉన్న కంపెనీల్లో యాక్సిస్‌ స్మాల్‌క్యాప్‌ ఇన్వెస్ట్‌ చేస్తుంటుంది. ప్రస్తుతానికి తన నిర్వహణలోని మొత్తం ఆస్తుల్లో 85 శాతాన్నే స్టాక్స్‌లో కలిగి ఉండగా, మిగిలిన మొత్తం డెట్‌ సాధనాల్లో ఇన్వెస్ట్‌ చేసి ఉంది. ఈక్విటీల్లోనూ... స్మాల్‌క్యాప్‌ కంపెనీల్లో 57 శాతం పెట్టుబడులు, మిడ్‌క్యాప్‌ కంపెనీల్లో 43 శాతం మేర పెట్టుబడులు పెట్టింది. బ్యాంకింగ్‌ అండ్‌ ఫైనాన్షియల్‌ రంగ కంపెనీలు, కన్‌స్ట్రక్షన్‌, కెమికల్స్‌ రంగాలకు అగ్ర ప్రాధాన్యం ఇచ్చింది. ఈ రంగాల కంపెనీల్లోనే 49 శాతం మేర పెట్టుబడులు పెట్టడం గమనార్హం. ఆ తర్వాత టెక్నాలజీ, ఎఫ్‌ఎంసీజీ రంగాల్లో ఎక్కువ శాతం ఇన్వెస్ట్‌ చేసింది. 



You may be interested

సౌదీ సంక్షోభం....పసిడి పరుగు

Monday 16th September 2019

ఒకరోజులో 20డాలర్ల ర్యాలీ సౌదీ అరేబియాలోని చమురు క్షేత్రాలపై జరిగిన డ్రోన్‌ దాడి ఉద్రిక్తతలు పసిడి ఫ్యూచర్లకు డిమాండ్‌ను పెంచాయి. ఫలితంగా ఆసియా ట్రేడింగ్‌లో ఔన్స్‌ పసిడి ధర 20డాలర్ల వరకు లాభపడింది. సౌదీ అరేబియా ప్రభుత్వ కంపెనీ ఆరాంకోకు చెందిన రెండు ప్రధాన చమురు క్షేత్రాలపై యెమెన్‌ ఉగ్రవాదులు డ్రోన్లతో దాడులు చేశారు. ఈ దాడితో సౌదీ ముడి చమురు సరఫరా రోజుకు 5.7శాతం మిలియన్‌ బారెళ్ల మేర తగ్గిపోయింది. ప్రపంచవ్యాప్తంగా

రూపాయి 70 పైసలు క్రాష్‌

Monday 16th September 2019

సౌదీ ఉత్పాదక క్షేత్రాలపై డ్రోణ్‌ దాడులు జరగడంతో సోమవారం ట్రేడింగ్‌లో చమురుధరలు భారీగా పెరిగాయి. ఫలితంగా రూపీ డాలర్‌ మారకంలో నష్టాలతో సోమవారం ప్రారంభమైంది. రూపీ డాలర్‌ మారకంలో 70 పైసలు కోల్పోయి 71.62 వద్ద ప్రారంభమైంది.     యుఎస్‌-చైనా మధ్య కొనసాగుతున్న ట్రేడ్‌వార్‌ కొంత సరళతరం అవ్వడం, డాలర్‌ మారకంలో ఆసియా కరెన్సీలు బలపడడంతో పాటు చమురు ధరలు తగ్గడంతో శుక్రవారం ట్రేడింగ్‌లో రూపీ డాలర్‌ మారకంలో 22 పైసలు లాభపడి 70.92

Most from this category