News


ఓపిక పడితే... కాసుల పంటే!

Monday 11th November 2019
personal-finance_main1573444166.png-29493

ఇటీవలి కొన్ని వారాలుగా జరుగుతున్న ర్యాలీని ప్రధానంగా లార్జ్‌క్యాప్‌ స్టాక్స్‌ నడిపిస్తున్నాయి. కేంద్ర ప్రభుత్వం ఈ మధ్య కాలంలో తీసుకున్న నిర్ణయాలతో ప్రధానంగా లాభపడేవి ఇవే. కానీ, మార్కెట్‌ మొత్తాన్ని ఓ సారి ఆసాంతం పరిశీలించినట్టయితే, మిడ్‌క్యాప్‌, స్మా్ల్‌ క్యాప్‌ విభాగాల్లో పెట్టుబడులకు ఎన్నో అవకాశాలు కనిపిస్తాయి. గత ఏడాది కాలంలో బీఎస్‌ఈ సెన్సెక్స్‌ 15 శాతం రాబడులను ఇవ్వగా, బీఎస్‌ఈ మిడ్‌క్యాప్‌ ఇచ్చిన రాబడులు కేవలం 0.1 శాతమే. గత రెండేళ్లలో మిడ్‌క్యాప్‌, స్మాల్‌క్యాప్‌ విభాగంలో ఎక్కువ స్టాక్స్‌ గణనీయంగా దిద్దుబాటుకు గురయ్యాయి. విలువల పరంగా చూస్తే సెన్సెక్స్‌ స్టాక్స్‌ కంటే.. మిడ్‌క్యాప్‌, స్మాల్‌క్యాప్‌ స్టాక్స్‌ పెట్టుడులకు ఎంతో ఆకర్షణీయంగా కనిపిస్తున్నాయి. విధానపరమైన ప్రోత్సాహకాలతో రానున్న త్రైమాసికాల్లో ఆర్థిక రంగం పుంజుకుంటుందని భావిస్తున్నాం. తక్కువ వడ్డీ రేట్లు, విధానపరమైన ప్రోత్సాహకాలు మిడ్‌క్యాప్‌, స్మాల్‌క్యాప్‌ రంగాలకు ఎంతో అనుకూలం. కనుక కనీసం ఐదేళ్లు, అంతకంటే ఎక్కువ కాలంలో మంచి రాబడులు సొంతం చేసుకోవాలని అనుకునే వారు స్మాల్‌, మిడ్‌క్యాప్‌ ఫండ్స్‌లోకి ప్రవేశించడానికి ఇది మంచి తరుణం. 

ఇప్పుడే ఎందుకు..?
- మిడ్‌క్యాప్‌, స్మాల్‌క్యాప్‌ దీర్ఘకాలంలో లార్జ్‌క్యాప్‌తో పోలిస్తే అధిక రాబడులు ఇస్తాయి.
- మార్కెట్‌ అప్‌ట్రెండ్‌లో ఉన్న సమయంలో ఇవి మంచి పనితీరు ప్రదర్శిస్తాయి.
-  ప్రస్తుత పరిస్థితులు స్మాల్‌, మిడ్‌క్యాప్‌ స్టాక్స్‌కు అనుకూలం. 

పెట్టుబడుల వ్యూహాలు
ఇండియా నిప్పన్‌ గ్రోత్‌ ఫండ్‌ మిడ్‌క్యాప్‌ ఆధారిత ఓపెన్‌ ఎండెడ్‌ ఫండ్‌. అధిక వృద్ధికి అవకాశం ఉన్న కంపెనీల్లో ఇన్వెస్ట్‌ చేయడం ద్వారా దీర్ఘకాలంలో సంపదను సృష్టించడమే ఈ పథకం ఉద్దేశ్యం. 2017 నుంచి ఈ పథకాన్ని మనీష్‌గున్వాని నిర్వహిస్తున్నారు. ఆర్థిక సేవల రంగంలో ఆయనకు 17 ఏళ్ల సుదీర్ఘమైన అనుభవం ఉంది. బోటమ్‌అప్‌ లేదా స్టాక్‌ వారీగా పెట్టుబడుల వ్యూహాన్ని ఈ పథకం అనుసరిస్తుంటుంది. సహేతుక ధర, మార్కెట్‌ ధర మధ్య ఉన్న వ్యత్యాసం ఆధారంగా స్టాక్స్‌ను ఎంచుకుంటుంది. వృద్ధికి వీలున్న కంపెనీలను, అదే సమయంలో సరసమైన ధరల వద్ద అందుబాటులో ఉన్న వాటిని (జీఏఆర్‌పీ) గుర్తించేందుకు ఫండ్‌ పరిశోధక బృందం కృషి చేస్తుంటుంది. ప్రధానంగా ఈ పథకం మిడ్‌క్యాప్‌ కంపెనీల్లో 65-70 శాతం వరకు పెట్టుబడులు పెడుతుంది. మిగిలిన నిధులను సమానంగా లార్జ్‌క్యాప్‌, స్మాల్‌ క్యాప్‌ కంపెనీల్లో (10-15 శాతం చొప్పున) ఇన్వెస్ట్‌ చేస్తుంది. అదే సమయంలో నగదు నిల్వలను 3-8 శాతం మధ్య కొనసాగిస్తుంటుంది. మిడ్‌క్యాప్‌, స్మాల్‌క్యాప్‌ విభాగంలో లిక్విడిటీ పరిస్థితుల (లార్జ్‌క్యాప్‌తో పోలిస్తే కొంచెం తక్కువ) నేపథ్యంలో తగినంత వైవిధ్యాన్ని పోర్ట్‌ఫోలియో పరంగా నిర్వహిస్తుంటుంది. ప్రస్తుతం ఈ పథకం ఫైనాన్షియల్‌, హెల్త్‌కేర్‌ రంగాలపై అధిక వెయిటేజీ కలిగి ఉంది. ఈ రెండు రంగాల్లో వరుసగా 23 శాతం, 10 శాతం చొప్పున పెట్టుబడులు కలిగి ఉంది. 

పనితీరు విశ్లేషణ
ఈ ఫండ్‌ నిర్వహణలో అక్టోబర్‌ చివరికి రూ.6,631 కోట్ల ఆస్తులు ఉన్నాయి. చారిత్రకంగా మంచి పనితీరు ఈ పథకం సొంతం. గత రెండు దశాబ్దాల కాలంలో ఇన్వెస్టర్లకు మంచి సంపదను సమకూర్చిపెట్టింది. 1995 అక్టోబర్‌లో ఈ పథకం ఆరంభం కాగా, నాటి నుంచి చూసుకుంటే ఇన్వెస్టర్ల పెట్టుబడులను 108 రెట్లు వృద్ధి చేసింది. వార్షికంగా 21.59 శాతం చొప్పున రాబడులను తెచ్చిపెట్టింది. కానీ ఇదే కాలంలో బీఎస్‌ఈ మిడ్‌క్యాప్‌ ఇండెక్స్‌ వృద్ధి వార్షికంగా 18.39 శాతమే. ఈ పథకంలో ప్రతీ నెలా రూ.5,000 చొప్పున పదేళ్ల పాటు ఇన్వెస్ట్‌ చేసి ఉంటే అక్టోబర్‌ 2019 నాటికి రూ.10.4 లక్షలు సమకూరేది. ఈ పథకంలో కనీసం రూ.100 నుంచి సిప్‌ ద్వారా ఇన్వెస్ట్‌ చేసుకునేందుకు అవకాశం ఉంది. దీర్ఘకాల ఆర్థిక లక్ష్యాల కోసం నిధి సమకూర్చుకోవాలనుకునే వారికి, కనీసం ఐదేళ్లు, అంతకంటే ఎక్కువ కాల వ్యవధి ఉన్న వారికి ఈ పథకం అనుకూలం. 
 



You may be interested

గ్యాప్‌డౌన్‌ ఓపెనింగ్‌

Monday 11th November 2019

అమెరికా-చైనాల ట్రేడ్‌డీల్‌ పట్ల తిరిగి అనుమానాలు తలెత్తడంతో ఆసియా మార్కెట్లు ప్రతికూలంగా ట్రేడవుతున్న నేపథ్యంలో భారత్‌ స్టాక్‌ సూచీలు సైతం గ్యాప్‌డౌన్‌తో మొదలయ్యాయి. బీఎస్‌ఈ సెన్సెక్స్‌ 50 పాయింట్ల క్షీణతతో 40,270 పాయింట్ల సమీపంలో ప్రారంభంకాగా, ఎన్‌ఎస్‌ఈ నిఫ్టీ 20 పాయింట్ల తగ్గుదలతో 11,888 పాయింట్ల వద్ద మొదలయ్యింది. 

రిటైర్మెంట్‌కి ఎంత కావాలంటే...

Monday 11th November 2019

వార్షిక ఖర్చులకు 20 రెట్లుతో నిధి ఏటా 4 శాతం చొప్పున విత్‌డ్రాయల్‌     గడిచిన కొద్ది దశాబ్దాలుగా ఉమ్మడి కుటుంబాల స్థానంలో చిన్న కుటుంబాల సంఖ్య పెరుగుతోంది. దీంతో రిటైర్మెంట్‌ దశ గురించి ఆలోచించే తీరూ మారుతోంది. వృద్ధాప్యంలో ఆర్థికావసరాల కోసం పిల్లలపై ఆధారపడకూడదనే అభిప్రాయం తల్లిదండ్రుల్లో ఉంటోంది. ముఖ్యంగా పెద్ద నగరాల్లో ఈ ధోరణి ఎక్కువగా కనిపిస్తోంది. ఇదే కాకుండా ఇతరత్రా వ్యాపకాలను చూసుకునేందుకు వీలైనంత త్వరగా రిటైర్‌ అవుదామనుకునే

Most from this category