News


నష్టాలొస్తున్నాయి... సిప్‌లు ఆపేయాలా ?

Monday 12th August 2019
personal-finance_main1565592149.png-27711

ధీరేంద్ర కుమార్‌ (సీఈవో, వాల్యూ రీసెర్చ్)

ప్ర: నేను 2017 నుంచి కొన్ని మ్యూచువల్‌ ఫండ్స్‌ల్లో ఇన్వెస్ట్‌ చేస్తున్నాను. నా పోర్ట్‌ఫోలియోలో సుందరమ్‌ రూరల్‌ అండ్‌ కంజప్షన్‌ ఫండ్, హెచ్‌డీఎఫ్‌సీ మిడ్‌–క్యాప్‌ ఆపర్చునిటీస్‌ ఫండ్, ఎల్‌ అండ్‌ టీ ఇండియా వేల్యూ ఫండ్, టాటా ఈక్విటీ పీఈ ఫండ్‌లు ఉన్నాయి. ఈ ఫండ్స్‌లో 2017 నుంచి సిప్‌(సిస్టమేటిక్‌ ఇన్వెస్ట్‌మెంట్‌ ప్లాన్‌)లు ప్రారంభించాను. అయితే ఈ ఫండ్స్‌ నష్టాలు చూపడంతో 2018లో సిప్‌లు ఆపేశాను. ఈ ఏడాది కూడా ఈ ఫండ్స్‌ నష్టాల్లోనే ఉన్నాయి. ఈ ఫండ్స్‌ల్లో ఇన్వెస్ట్‌మెంట్స్‌ కొనసాగించమంటారా ? లేకుంటే నా ఇన్వెస్ట్‌మెంట్స్‌ను వేరే ఫండ్స్‌కు మళ్లించమంటారా ? 
-కళ్యాణి, విజయవాడ 
జ: మీ పోర్ట్‌ఫోలియోలో ఉన్నవన్నీ మంచి ఫండ్సే, పైగా ఇది మంచి కాంబినేషన్‌ కూడా. ఒక్కొక్క ఫండ్‌ది ఒక్కొక్క ప్రత్యేకమైన థీమ్‌. సుందరమ్‌ రూరల్‌ అండ్‌ కంజప్షన్‌ ఫండ్‌.. ప్రామిసింగ్‌ సెక్టోరియల్‌ ఫండ్‌. సాధారణంగా సెక్టోరియల్‌ ఫండ్స్‌లో ఇన్వెస్ట్‌ చేయవద్దని చెప్తుంటాను. కానీ  సుందరమ్‌ ఫండ్‌ దానికి మినహాయింపు. 2017లో మార్కెట్‌ మంచి స్థాయిలో ఉంది. ఇలాంటప్పుడు ఫండ్స్‌ పనితీరు బాగా ఉంటుంది. 2018లో మార్కెట్‌ అంతంతమాత్రంగానే ఉంది. ఫలితంగా దాదాపు ఫండ్స్‌ అన్నీ ఆశించిన స్థాయి పనితీరు కనబరచలేకపోయాయి. ఇక ఈ ఏడాది ఇప్పటివరకూ కూడా పరిస్థితుల్లో పెద్దగా మార్పు రాలేదు. మీరు ఎంచుకున్న ఫండ్స్‌ బాగా ఉన్నాయి. ఈ ఫండ్స్‌ అన్నింటి పనితీరు పూర్తిగా మార్కెట్‌ పనితీరును బట్టే ఉంటుంది. అందుకే ఇప్పుడు నష్టాలు కనిపిస్తున్నాయి. నష్టాలు వస్తున్నా మీ ఇన్వెస్ట్‌మెంట్స్‌ను సిప్‌ల రూపంలో కొనసాగించండి. మార్కె‍ట్లో పరిస్థితులు కుదుటపడితే, ఈ ఫండ్స్‌ మీకు లాభాలను చూపిస్తాయి. అసలు సిప్‌ల ద్వారా ఇన్వెస్ట్‌ చేయడానికి ఉన్న పరమార్థం కూడా ఇదే. మార్కెట్‌ పెరుగుతున్నప్పుడే కాకుండా మార్కెట్‌ పతనబాటలో ఉన్నప్పుడు కూడా అధైర్యపడకుండా ఇన్వెస్ట్‌ చేస్తే, దీర్ఘకాలంలో మంచి రాబడులు పొందగలరు. 


ప్ర: ఆల్ట్రా షార్ట్‌ డ్యురేషన్, లిక్విడ్‌ ఫండ్స్‌కు మధ్య తేడా ఏమిటి ? వేటిల్లో రాబడులు అధికంగా వస్తాయి. ? 
-దామోదర్‌, విశాఖపట్టణం 
జ: ఆల్ట్రా షార్ట్‌ డ్యురేషన్, లిక్విడ్‌ ఫండ్స్‌లు రెండు వేర్వేరు రకాలు. వీటి మధ్య చాలా సన్నని విభజన రేఖ మాత్రమే ఉంటుంది. చట్ట ప్రకారం, లిక్విడ్‌ ఫండ్‌... 91 రోజుల మెచ్యురిటీ ఉండే మనీ మార్కెట్‌ సెక్యూరిటీల్లో ఇన్వెస్ట్‌ చేస్తుంది. అయితే సాధారణంగా చాలా మంది లిక్విడ్‌ ఫండ్‌ మేనేజర్లు 55 రోజుల నుంచి 60 రోజుల మెచ్యురిటీ ఉండే మనీ మార్కెట్‌ సెక్యూరిటీల్లో ఇన్వెస్ట్‌ చేస్తున్నారు. మరోవైపు మూడు నుంచి ఆరు వారాల మెచ్యురిటీ ఉండే సాధనాల్లో ఆల్ట్రా–షార్ట్‌–డ్యురేషన్‌ ఫండ్స్‌ ఇన్వెస్ట్‌ చేస్తాయి. ఇక తాజా సెబీ నిబంధనల ప్రకారం, లిక్విడ్‌ ఫండ్స్‌ తమ నిధుల్లో కనీసం 20 శాతం వరకూ నగదు, ప్రభుత్వ సెక్యూరిటీలు, ట్రెజరీ బిల్లుల వంటి లిక్విడ్‌ అసెట్స్‌ల్లో ఇన్వెస్ట్‌ చేయాలి. డిజైన్‌ పరంగా చూస్తే, ఆల్ట్రా–షార్ట్‌–డ్యురేషన్‌ ఫండ్స్‌ కంటే లిక్విడ్‌ ఫండ్స్‌ ఒకింత సురక్షితమనైవని చెప్పవచ్చు. తాజా సెబీ నిబంధనల కారణంగా లిక్విడ్‌ ఫండ్స్‌ మరింత సురక్షితంగా మారాయి. ఆల్ట్రా–షార్ట్‌–డ్యురేషన్‌ ఫండ్స్‌తో పోల్చితే లిక్విడ్‌ ఫండ్స్‌ రాబడులు ఒకింత తక్కువగా ఉంటాయని చెప్పవచ్చు. 

ప్ర: మదుపు మొదలు పెట్టడానికి ముందుగా మ్యూచువల్‌ ఫండ్స్‌నే పరిగణించాలా ? నేరుగా షేర్లలో ఇన్వెస్ట్‌ చేయకూడదా ? 
-అబ్దుల్లా, హైదరాబాద్‌ 
జ: మదుపు మొదలు పెట్టడానికి మ్యూచువల్‌ ఫండ్స్‌ను ఎంచుకోవడం తెలివైన నిర్ణయం. దీర్ఘకాలిక ఆర్థిక లక్ష్యాల కోసం మ్యూచువల్‌ ఫండ్స్‌లోనే ఇన్వెస్ట్‌ చేయాలి. దీర్ఘకాలంలో ఫండ్స్‌ మంచి రాబడులనే ఇస్తాయి. ఇక నేరుగా ఈక్విటీలో ఇన్వెస్ట్‌ చేస్తే, ఒడిదుడుకులు తీవ్రంగా ఉంటాయి. తగిన అనుభవం, అవగాహన లేకపోతే నష్టాలు వస్తాయి. ఇన్వెస్ట్‌ చేయడానికి ఏ షేర్‌ను ఎంచుకోవాలి ? ఆ కంపెనీ ఫండమెంటల్స్‌ ఎలా ఉన్నాయి ? తదితర అంశాలపై సాధారణ ఇన్వెస్టర్‌ కంటే కూడా మ్యూచువల్‌ ఫండ్‌ మేనేజర్‌కు అధిక అవగాహన ఉంటుంది. మార్కెట్‌ సంబంధిత సాధనాల్లో గతంలో ఇన్వెస్ట్‌ చేసిన అనుభవం లేకుంటే, ముందుగా మ్యూచువల్‌ ఫండ్స్‌నే ఇన్వెస్ట్‌మెంట్స్‌ కోసం పరిగణించండి. మ్యూచువల్‌ ఫండ్స్‌ల్లో ఇన్వెస్ట్‌ చేస్తే, ముఖ్యంగా రెండు ప్రయోజనాలు లభిస్తాయి. మ్యూచువల్‌ ఫండ్స్‌లో ఇన్వెస్ట్‌ చేయడం వల్ల డైవర్సిఫికేషన్‌ ప్రయోజనాలు పొందవచ్చు. ఫండ్‌ మేనేజర్లు ప్రొఫెషనల్‌గా ఆలోచించి నిర్ణయాలు తీసుకుంటారు. కాబట్టి వారి అనుభవం మంచి ఫలితాలనిస్తుంది. ఇక రెండవది...మ్యూచువల్‌ ఫండ్స్‌ల్లో చిన్న చిన్న మొత్తాల్లో కూడా ఇన్వెస్ట్‌ చేసే వీలుంటుంది. మీరు కనీసం నెలకు రూ.1,000తో మీ ఇన్వెస్ట్‌మెంట్స్‌ను మొదలు పెట్టవచ్చు. కనీసం ఐదు అంతకు మించిన కాలానికి ఇన్వెస్ట్‌ చేయాలనుకుంటే, మ్యూచువల్‌ ఫండ్స్‌కు మించిన ఇన్వెస్ట్‌మెంట్‌ సాధనం మరొకటి లేదు. ఫండ్స్‌ల్లో ఒకేసారి పెద్ద మొత్తంలో ఇన్వెస్ట్‌ చేయకూడదు. నెలకు కొంత మొత్తం చొప్పున సిస్టమేటిక్‌ ఇన్వెస్ట్‌మెంట్‌ ప్లాన్‌(సిప్‌) విధానంలో ఇన్వెస్ట్‌ చేయాలి. మీకు జీతం పెరిగినా, ఇంక్రిమెంట్‌ వచ్చినా  ఈ పెరిగిన మొత్తంలో కొంత మొత్తాన్ని సిప్‌లకు జత చేయండి. ఒకవేళ మీరు స్వయం ఉపాధి లేదా వ్యాపారం చేస్తున్నట్లయితే, ఏడాదికి సిప్‌ మొత్తాన్ని కనీసం 5-10 శాతం చొప్పున పెంచండి. కనీసం ఏడాదికొకసారైనా మీ పోర్ట్‌ఫోలియోలోని ఫండ్ల పనితీరును సమీక్షించి, వాటి పనితీరు ఆధారంగా నిర్ణయాలు తీసుకోండి. 



You may be interested

సెన్సెక్స్‌ 37,810 స్థాయిని అధిగమిస్తే....

Monday 12th August 2019

సెన్సెక్స్‌ 37,810 స్థాయిని అధిగమిస్తే.... బడ్జెట్‌ ప్రతిపాదనల్లో విదేశీ ఇన్వెస్టర్లను బాధించిన ఆదాయపు పన్ను సర్‌ఛార్జ్‌ ఎత్తివేత, టర్నోవర్‌తో సంబంధం లేకుండా అన్ని కంపెనీలకు కార్పొరేట్‌ టాక్‌​‍్స తగ్గింపు, మూడేళ్లకు పైబడిన దీర్ఘకాలిక మూలధన లాభాలపై పన్ను, డివిడెండు పంపిణీ పన్ను మినహాయింపులు వంటి స్నేహపూరిత చర్యల్ని ప్రభుత్వం ప్రకటించనున్నదనే వార్తలతో గతవారం నాటకీయంగా మార్కెట్‌ ర్యాలీ జరిపింది. శుక్రవారం మార్కెట్‌ ముగిసిన తర్వాత ప్రధాన విదేశీ ఫండ్స్‌ ప్రతినిధులతో ఆర్థికమంత్రిత్వ

తాజా బౌన్స్‌తో మారేదేమీ లేదు!

Monday 12th August 2019

మధ్యకాలిక డౌన్‌ట్రెండ్‌ కొనసాగుతుంది మార్కెట్‌పై హెచ్‌డీఎఫ్‌సీ సెక్యూరిటీస్‌ మార్కెట్లలో కనిపిస్తున్న తాజా అప్‌మూవ్‌తో స్వల్పకాలిక నెగిటివ్‌ అవుట్‌లుక్‌ ఏమీ మారదని హెచ్‌డీఎఫ్‌సీ సెక్యూరిటీస్‌ అనలిస్టు నాగరాజ్‌ షెట్టి చెప్పారు. గురువారం అప్‌మూవ్‌కు కొనసాగింపుగా శుక్రవారం కూడా నిఫ్టీ, సెన్సెక్స్‌ మంచి జోరే చూపాయి. కానీ శుక్రవారం నిఫ్టీ తన కీలక నిరోధం 11115 స్థాయికి పైన ముగియడంలో విఫలమైందని షెట్టి చెప్పారు. ఇంట్రాడేలో ఈ నిరోధాన్ని దాటినా, చివరకు ఆ స్థాయి దిగువనే

Most from this category