News


భారత్‌ బ్యాంకింగ్‌ రుణ వృద్ధి అంతంతే!

Friday 10th January 2020
news_main1578629123.png-30820

  • 2019-2020లో వృద్ధిరేటు కేవలం 5 శాతం
  • ప్రపంచబ్యాంక్‌ అంచనా
  • 2020-21లో 5.8 శాతానికి పెరిగే అవకాశం
  • 2020లో ప్రపంచ ఆర్థికవృద్ధి 2.5 శాతమే!

వాషింగ్టన్‌: భారత్‌ స్థూల దేశీయోత్పత్తి (జీడీపీ) వృద్ధిరేటు ప్రస్తుత ఆర్థిక సంవత్సరం (2019 ఏప్రిల్‌-2020 మార్చి) 5 శాతానికి పడిపోయే అవకాశం ఉందని ప్రపంచబ్యాంక్‌ అంచనావేసింది. అయితే వచ్చే ఆర్థిక సంవత్సరం (2020-2021)లో వృద్ధిరేటు 5.8 శాతానికి రికవరీ అయ్యే అవకాశం ఉందని కూడా విశ్లేషించింది. ‘‘బ్యాంకింగ్‌, నాన్‌ బ్యాంకింగ్‌ ఫైనాన్షియల్‌ కంపెనీల్లో రుణ వృద్ధి బలహీనంగా ఉన్న భారత్‌లో జీడీపీ వృద్ధితీరు మందగమనంలో ఉంది’’ అని ప్రపంచబ్యాంక్‌ బుధవారం విడుదల చేసిన ఒక నివేదిక తెలిపింది. తయారీ, వ్యవసాయ రంగాల బలహీనత భారత్‌ వృద్ధి మందగమనానికి కారణాల్లో ఒకటనీ విశ్లేషించింది. కాగా ఎల్‌పీజీపై సబ్సిడీలను క్రమంగా తొలగించడానికి భారత్‌లో జరుగుతున్న ప్రయత్నాన్ని ప్రపంచబ్యాంక్‌ ప్రశంసించడం మరో విశేషం.  2020లో ప్రపంచ ఆర్థికవృద్ధి  2.5 శాతంగా నమోదయ్యే అవకాశం ఉంది.  ‘‘గ్లోబల్‌ ఎకనమిక్‌ ప్రాస్పెక్ట్స్’’ పేరుతో విడుదల చేసిన ఈ నివేదికలోని కొన్ని ముఖ్యాంశాలు చూస్తే...

- 2019తో పోల్చితే 2020లో పెట్టుబడులు, వాణిజ్యం క్రమంగా రికవరీ అయ్యే వీలుంది. అయితే వాణిజ్య యుద్ధం, భౌగోళిక ఉద్రిక్తతలు వంటి సవాళ్లతో ప్రపంచ ఆర్థిక వృద్ధితీరుకు కొంత ఇబ్బందులూ ఉన్నాయి. 
- అమెరికా వృద్ధిరేటు 2020లో 1.8 శాతంగా నమోదుకావచ్చు. ఇప్పటికే పెంచిన టారిఫ్‌ల ప్రభావం ఏ మేరకు అమెరికా ఆర్థిక వ్యవస్థపై  ఉంటుందన్న విషయంలో కొంత స్పష్టత రావాల్సి ఉంది. 
- యూరో ప్రాంతంలో 2020లో వృద్ధి ఒకశాతానికి తగ్గిస్తున్నాం. బలహీన పారిశ్రామిక క్రియాశీలత దీనికి ఒక కారణం.
-2022లో దక్షిణాసియా వృద్ధిరేటు 6 శాతంగా ఉండవచ్చు.  
- బంగ్లాదేశ్‌లో వృద్ధిరేటు 7 శాతంగా ఉండే వీలుంది. అయితే పాక్‌లో ఈ రేటు 3 శాతం లేదా అంతకన్నా తక్కువగా ఉండే వీలుంది. 
- అటు అభివృద్ధి చెందిన, చెందుతున్న దేశాలన్నింటిలో వృద్ధి స్పీడ్‌ నెమ్మదిగానే ఉండే వీలుంది. విస్తృత ప్రాతిపదికన వృద్ధి సాధనకు విధాన నిర్ణేతలు వ్యవస్థాగత సంస్కరణలకు శ్రీకారం చుట్టాలి. పేదరిక నిర్మూలనకు ఈ చర్యలు కీలకం.
- వ్యాపారాలు చేసుకోడానికి ఎటువంటి అడ్డంకులూ లేని తగిన వాతావరణాన్ని సృష్టించాలి. తగ్గిన చట్టాలు, రుణ నిర్వహణ, ఉత్పత్తి పెంపు వంటి చర్యలు ఈ దిశలో అవసరం. 
- భారత్‌ను ప్రత్యేకంగా చూస్తే, నాన్‌-బ్యాంకింగ్‌ ఫైనాన్స్‌ కంపెనీల కఠిన రుణ పరిస్థితులు దేశీయ డిమాండ్‌ను బలహీనతకు కారణాల్లో ఒకటి. 

 



You may be interested

లాభాల బాటలో మార్కెట్లు

Friday 10th January 2020

సెన్సెక్స్‌ లాభాల సెంచరీ నిఫ్టీ 37 పాయింట్లు ప్లస్‌ స్వల్ప ఊగిసలాట మధ్య ప్రారంభమైన దేశీ స్టాక్‌ మార్కెట్లు తదుపరి జోరందుకున్నాయి. ట్రేడింగ్‌ ప్రారంభమైన వెంటనే ఇన్వెస్టర్లు కొనుగోళ్లకు దిగడంతో వరుసగా మూడో రోజు మార్కెట్లు లాభాలతో కదులుతున్నాయి. ఉదయం 9.20 ప్రాంతంలో సెన్సెక్స్‌ 131 పాయింట్లు పెరిగి 41,553కు చేరగా.. నిఫ్టీ 37 పాయింట్లు పుంజుకుని 12,253 వద్ద ట్రేడవుతోంది. ఇరాన్‌, అమెరికా మధ్య గత వారం నెలకొన్న ఉద్రిక్త వాతావరణం

ఓబీసీ బ్యాంక్ వడ్డీ రేట్ల తగ్గింపు

Friday 10th January 2020

న్యూఢిల్లీ: ప్రభుత్వ రంగ ఓరియంటల్ బ్యాంక్ ఆఫ్ కామర్స్‌ (ఓబీసీ) తాజాగా మార్జినల్ కాస్ట్ ఆఫ్ ఫండ్ (ఎంసీఎల్‌ఆర్‌) ఆధారిత రుణాలపై వడ్డీ రేట్లను తగ్గించింది. ఈ తగ్గింపు 0.05-0.15 శాతం శ్రేణిలో ఉంది. ప్రామాణిక ఏడాది వ్యవధి ఎంసీఎల్‌ఆర్‌ను 0.15 శాతం తగ్గించడంతో 8.15 శాతానికి చేరినట్లు బ్యాంకు తెలిపింది. ప్రధానంగా కన్జూమర్ రుణాలపై వడ్డీ రేట్లు దీని ఆధారంగానే ఉంటాయి. మరోవైపు, 15 రోజుల నుంచి 6

Most from this category