News


ఆర్‌బీఐ నుంచి కేంద్రానికి రూ. 45,000 కోట్లు..!?

Saturday 11th January 2020
news_main1578724932.png-30860

కేంద్రం మరోసారి ఆర్‌బీఐ నుంచి మధ్యంతర డివిండెడ్‌ను పొందేందుకు పావులు కదుపుతోంది. పడకేసిన ఆర్థికవ్యవస్థను వృద్ధి బాటలో పయనింపజేసేందుకు కేంద్రం మధ్యంతర డివిడెండ్‌ రూపంలో ఆర్‌బీఐ నుంచి రూ.35,000 కోట్ల నుంచి రూ.45,000 కోట్లు సమకూర్చుకోవాలని ఆశిసోస్తుంది. ప్రస్తుత ఆర్థిక సంవత్సరపు ఆర్థిక వృద్ధి 11ఏళ్ల కనిష్టానికి పతనవుతుందనే అంచనాలతో కేంద్రం ఆర్‌బీఐ తలుపు తట్టడమే మేలని భావిస్తోంది. ఆర్‌బీఐ సమకూర్చే ఈ మధ్యంతర డివిడెండ్‌ ద్వారా ఆర్థిక వ్యవస్థను గాడిలో పెట్టేందుకు అవసరమైన మరిన్ని సహాయ, ఉద్దీపన చర్యలు చేపట్టాలని ప్రభుత్వం భావిస్తోంది. ‘అసాధారణ’ సందర్భాల్లో ఆర్‌బీఐ ప్రభుత్వాన్ని మధ్యంతర డివిడెండ్‌ల రూపంలో ఆదుకోవచ్చని గతంలో బిమల్‌ జలాన్‌ కమిటీ కూడా సిఫారసు చేసింది. దీంతో ఆర్‌బీఐ బోర్డులోని తన నామినీల ద్వారా ఈ పని కానిచ్చుకోవాలని ప్రభుత్వం యోచిస్తున్నట్టు సమాచారం. ఆర్థిక మంత్రిత్వ శాఖ ప్రతినిధి, ఆర్‌బీఐ అధికారలు ఈ విషయంపై స్పందించేందుకు నిరాకరించారు. ఒకవేళ ఆర్‌బీఐ మధ్యంతర డివిడెండ్ ఇవ్వడానికి అంగీకారం తెలిపితే వరుసగా మూడో ఏడాది మధ్యంతర డివిడెండ్‌ను అందుకున్న సంవత్సరం అవుతుంది

తన మిగులు నిధుల నుంచి  రూ.1.76 లక్షల కోట్లు డివిడెండ్‌ రూపంలో ప్రభుత్వానికి బదిలీ చేసేందుకు ఆర్‌బీఐ డైరెక్టర్ల బోర్డు గత ఏడాది ఆగస్టులోనే ఆమోదం తెలిపింది. ఇందులో ప్రస్తుత ఆర్థిక సంవత్సరంలో 1.48 లక్షల కోట్లను కేంద్రానికి ఆర్‌బీఐ బదిలీ చేసింది. ఆర్‌బీఐ ప్రభుత్వ బాండ్లు విక్రయం, కరెన్సీల వ్యాపారం రూపంలో భారీగా లాభాలను ఆర్జిస్తుంది. ముగిసిన ఖాతా సంవత్సరంలో ఆర్‌బీఐ రూ.1.23 లక్షల కోట్ల లాభాన్ని సంపాదించింది. విదేశీ మారక నిల్వలు, ట్రెజరీ కార్యకలాపాలు, ప్రభుత్వ బాండ్ల జారీ, మార్పిడుల ద్వారా ఆర్‌బీఐ లాభాల్ని ఆర్జిస్తుంది.  ఈ మొత్తం లాభాల్లో ఆర్‌బీఐ తన భవిష్యత్తు కార్యకలాపాలకు, ఆకస్మిక అవసరాలకు కొంత మొత్తాన్ని తన దగ్గర ఉంచుకొని, మిగిలిన మొత్తాన్ని కేంద్రానికి డివిండెండ్‌ రూపంలో బదిలీ చేస్తుంది.

వచ్చే ఆర్థిక సంవత్సరానికి కేంద్ర బడ్జెట్‌ను ఫిబ్రవరి 1 న ఆర్థిక మంత్రి నిర్మల సీతారామన్ పార్లమెంట్‌లో ప్రవేశపెట్టనున్నారు. వినియోగదారుల డిమాండ్, పెట్టుబడులను పెంచడానికి మౌలిక సదుపాయాలు, పన్ను ప్రోత్సాహకాలతో సహా ఆర్థిక ఉద్దీపనలను భారీగా ప్రకటించాలని మార్కెట్‌ వర్గాలు ఆశిసిస్తున్నాయి. 



You may be interested

బడ్జెట్‌ రోజున స్టాక్‌ ట్రేడింగ్‌ జరుగుతుందా..!?

Saturday 11th January 2020

కేంద్ర ప్రభుత్వం వచ్చే ఆర్థిక సంవత్సరపు బడ్జెట్‌ను ఫిబ్రవరి 1న పార్లమెంట్‌లో ప్రవేశపెట్టనుంది. ఈసారి యాధృచ్చికంగా బడ్జెట్‌ ప్రవేశపెట్టే రోజు శనివారం అయింది. సాదారణంగా ప్రతి శనివారం స్టాక్‌ మార్కెట్లకు సెలవు దినం. ఈ నేపథ్యంలో బడ్జెట్‌ ప్రవేశపెట్టే రోజు శనివారం కావడంతో స్టాక్‌ మార్కెట్‌ పనిచేస్తుందా లేదా అనే సందేహం మార్కెట్‌ వర్గాల్లో నెలకొంది. ఈ అంశంపై మీడియా వర్గాలు ఎక్స్‌ఛేంజీలను వివరణ కోరాయి. బడ్జెట్‌ రోజున పని చేసేందుకు

ఇరాన్‌పై కొత్త ఆంక్షలు విధించిన అమెరికా

Saturday 11th January 2020

పశ్చిమాసియాలో ఉద్రిక్తతల నేపథ్యంలో ఇరాన్‌పై మరిన్ని ఆంక్షలను అమెరికా విధించింది. ఇరాన్‌ ఎకానమీలో వివిధ విభాగాలను లక్ష్యంగా చేసుకొని తాజా ఆంక్షలను విధించింది. నిర్మాణం, ఉత్పత్తి, టెక్స్‌టైల్స్‌, మైనింగ్‌ రంగాలతో పాటు 8మంది టాప్‌ ఇరాన్‌ అధికారులు తాజా ఆంక్షల కిందకు వచ్చారు. ఇరాన్‌ ఎకానమీపై ఈ ఆంక్షలు తీవ్ర ప్రభావం చూపనున్నాయని నిపుణులు భావిస్తున్నారు. ఇరాన్‌ నాయకత్వం పద్ధతి మార్చుకోనంత వరకు ఈ ఆంక్షలు కొనసాగుతాయని ట్రంప్‌ శుక్రవారం

Most from this category