News


భారత్‌లో తొలి 5జీ లైవ్‌ వీడియో కాల్‌

Wednesday 16th October 2019
news_main1571197211.png-28907

  • భారత్‌లో తొలి 5జీ లైవ్‌ వీడియో కాల్‌
  • క్వాల్‌కామ్‌ భాగస్వామ్యంతో ప్రదర్శించిన ఎరిక్సన్‌

న్యూఢిల్లీ: స్వీడన్‌కు చెందిన టెలికం కంపెనీ ఎరిక్సన్‌ 5జీ లైవ్‌ వీడియో కాల్‌ను తొలిసారిగా భారత్‌లో ప్రదర్శించింది. ఇది భారత్‌లో తొలి 5జీ వీడియో కాల్‌ అని, క్వాల్‌కామ్‌ భాగస్వామ్యంతో దీనిని ప్రదర్శిస్తున్నామని ఎరిక్సన్‌ హెడ్‌(సౌత్‌ ఈస్ట్‌ ఏషియా, ఓషియానియా, ఇండియా) నున్‌జో మిర్టిల్లో చెప్పారు. 5జీ సర్వీస్‌లు మిల్లీమీటర్‌వేవ్‌(ఎమ్‌ఎమ్‌వేవ్‌-28 గిగా హెట్జ్‌, 38 గిగాహెట్జ్‌ స్పెక్ట్రమ్‌ బాండ్స్‌) స్పెక్ట్రమ్‌ ద్వారా అందుతాయని వివరించారు. 5జీ, 4జీ మొబైల్‌నెట్‌వర్క్స్‌కు ఎమ్‌ఎమ్‌వేవ్‌ స్పెక్ట్రమ్‌ కీలకమైనదని పేర్కొన్నారు. ఇక్కడ జరుగుతున్న ఇండియా మొబైల్‌ కాంగ్రెస్‌ 2019లో ఆయన మాట్లాడారు. 
వచ్చే ఏడాది నుంచి 5జీ ఫోన్లు....
ఇంటర్నెట్‌ ఆఫ్‌ థింగ్స్‌(ఐఓటీ), మెషీన్‌ టు మెషీన్‌ కమ్యూనికేషన్స్‌వంటి తాజా టెక్నాలజీలకు 5జీ కీలకం కానున్నదని మిర్టిల్లో పేర్కొన్నారు. 5జీ కారణంగా భారత్‌లో కొత్త అవకాశాలు అందివస్తాయని వివరించారు. వచ్చే ఏడాది నుంచి 5జీ టెక్నాలజీని సపోర్ట్‌ చేసే స్మార్ట్‌ఫోన్ల అమ్మకాలు పెరగనున్నాయని క్వాల్‌కామ్‌ ఇండియా వైస్‌ ప్రెసిడెంట్‌ రాజెన్‌ వగాడియా పేర్కొన్నారు. 
ఇంటర్నెట్‌ స్పీడ్‌ అధికంగా ఉండే 5జీ సర్వీస్‌లు భారత్‌లో ఇంకా ఆరంభం కాలేదు. ఈ సర్వీసులు ఇప్పటికే అమెరికా, దక్షిణ కొరియాల్లో లభిస్తున్నాయి. 5జీ సర్వీసులకు సంబంధించిన స్పెక్ట్రమ్‌ను ఈ ఆర్థిక సంవత్సరంలోనే వేలం వేయనున్నామని ఇటీవలే ప్రభుత్వం ప్రకటించిన విషయం తెలిసిందే. 



You may be interested

హీరో లెక్ట్రో... కొత్త ఈ-సైకిల్‌

Wednesday 16th October 2019

టౌన్‌మాస్టర్‌@ రూ.30,999 3 గంటలు చార్జింగ్‌...30-40 కి.మీ. ప్రయాణం న్యూఢిల్లీ: హీరో సైకిల్స్‌కు చెందిన లెక్ట్రో ఈ-మొబిలిటీ సొల్యూషన్స్‌ కొత్త ఎలక్ట్రిక్‌ సైకిల్‌ను మార్కెట్లోకి తెచ్చింది. టౌన్‌మాస్టర్‌ పేరుతో అందిస్తున్న ఈ కొత్త ఎలక్ట్రిక్‌ సైకిల్‌ ధర రూ.30,999 అని లెక్ట్రో ఈ-మొబిలిటీ సొల్యూషన్స్‌ డైరెక్టర్‌ అదిత్య ముంజాల్‌ పేర్కొన్నారు.  ఈ బైక్‌ను చార్జింగ్‌ చేయడానికి ప్రత్యేకంగా చార్జింగ్‌ స్టేషన్లు అవసరం లేదని, సాధారణ ప్లగ్‌తోనే చార్జింగ్‌ చేసుకోవచ్చని తెలిపారు. మూడు గంటలు

2 వేల నోటు కనబడుటలేదు!!

Wednesday 16th October 2019

ఈ ఏడాది ఒక్క నోటు కూడా ముద్రించలేదు వెల్లడించిన రిజర్వ్‌ బ్యాంక్‌... న్యూఢిల్లీ: ఈమధ్య ఏటీఎంలలో రూ.2 వేల నోట్లు అంతగా రాకపోవడాన్ని గమనించారా... గతంలో పెద్దమొత్తంలో నగదు తీస్తే కచ్చితంగా ఎక్కువ సంఖ్యలోనే రూ.2 వేల నోట్లు వచ్చేవి. ఇప్పుడు మాత్రం ఈ సంఖ్య బాగా తగ్గింది. దీనికి కారణం లేకపోలేదు... గతంలో పెద్ద నోట్ల రద్దు అనంతరం ప్రవేశపెట్టిన మరింత పెద్ద నోటు రూ. 2,000 ముద్రణ ప్రస్తుతం పూర్తిగా

Most from this category