News


బలహీన రంగాలవైపే మొగ్గు!

Wednesday 25th September 2019
Markets_main1569407797.png-28546

  ‘ప్రభుత్వం కొత్తగా ఏర్పాటయ్యే తయారీరంగ కంపెనీలపై 15 శాతం ట్యాక్స్‌ను విధించింది. దీని ఫలితంగా చైనా నుంచి బయటకొచ్చే కంపెనీలకు ఇండియా ఆకర్షణియమైన గమ్యస్థానంగా కనిపిస్తుంది’ అని ఐసీఐసీఐ ప్రుడెన్షియల్ మ్యూచువల్ ఫండ్, సీఐఓ ఎస్ నరేన్ ఓ ఆంగ్ల చానెల్‌కిచ్చిన ఇంటర్యూలో అన్నారు. ఇంటర్యూలోని ముఖ్యంశాలు ఆయన మాటల్లోనే..

పెట్టుబడుల ఆకర్షణే లక్ష్యం..
కార్పోరేట్‌ ట్యాక్స్‌ను తగ్గించడం ప్రభుత్వం తీసుకున్న ఆర్థిక సంస్కరణలలో ముఖ్యమైనది. మూలధన వ్యయం, ప్రైవేట్‌ పెట్టుబడుల పెరుగుదలే లక్ష్యంగా ప్రభుత్వం ఈ నిర్ణయం తీసుకుంది. దీనితో పాటు కొత్తగా ఏర్పాటయ్యే తయారిరంగ కంపెనీలపై 17 శాతం కార్పోరేట్‌ ట్యాక్స్‌ను విధించడం కూడా చాలా మంచి చర్య. ఇది ఇతర అభివృద్ధి చెందుతున్న దేశాల కంటే తక్కువ కావడం గమనార్హం. దీని ఫలితంగా ఇండియాలో తయారీరంగ కంపెనీల ఏర్పాటు పెరుగుతుంది. ముఖ్యంగా ట్రేడ్‌వార్‌ జరుగుతున్న ప్రస్తుత పరిస్థితులలో​ చైనా నుంచి బయటకొచ్చే కంపెనీలను ఇండియా ఆకర్షించడానికి వీలుంటుంది. ప్రభుత్వం తీసుకున్న ఆర్థిక ఉద్దీపన చర్యల వలన నిఫ్టీ ఈపీఎస్‌(షేరుపై లాభం) అంచనాలను చాలా వరకు బ్రోకరేజిలు 10 శాతం మేర పెంచాయి. దీంతో కార్పోరేట్‌ లాభాల వృద్ధి అంచనాలు పెరిగాయి. ఇది సమీప కాలంలో ఈక్విటీ మార్కెట్‌లకు ప్రయోజనం చేకూరుస్తుంది. అంతేకాకుండా మార్కెట్‌కు, ఆర్థిక వ్యవస్థకు ముఖ్యమైన సెంటిమెంట్‌, ఈ ట్యాక్స్‌ తగ్గింపు వలన మెరుగవుతుంది.

మూలధనం వ్యయం పెరుగుతుంది...
ట్యాక్స్‌ తగ్గింపు వలన కంపెనీల ఆదాయాలు పెరుగుతాయి. ప్రతి కంపెనీ వారి నిర్ధిష్ట అవసరాల దృష్ఠ్యా పనిచేసే అవకాశం ఉంది. డిమాండ్‌ సన్నగిల్లడంతో వినియోగ ఆదారిత రంగంలోని కంపెనీలు, ట్యాక్స్‌ ప్రయోజనాలను వినియోగదారులకు బదలాయించే అవకాశం ఉం‍ది. ఈ కంపెనీలు తమ ఉత్పత్తుల ధరలను తగ్గించి వినియోగదారులను ఆకర్షించవచ్చు. అధికంగా నిధులను కలిగిన కొన్ని కంపెనీలు ట్యాక్స్‌ తగ్గింపు ప్రయోజనాలను అదనపు డివిడెండ్‌ల రూపంలో షేర్‌ హోల్డర్లకు పంచిపెట్టే అవకాశం ఉంది. ప్రభుత్వం లేదా వ్యక్తిగత షేర్‌ హోల్డర్లు ఈ డివిడెండ్‌లను ఖర్చు చేయడానికి అధిక ప్రాధాన్యం ఇచ్చే అవకాశం ఉండడంతో దేశ ఆర్థిక వ్యవస్థ వృద్ధి చెందుతుంది. కొన్ని ఫైనాన్సియల్‌ కంపెనీలు తమ రుణ సామర్ద్యాన్ని పెంచుకునే అవకాశం ఉంది. ఇది ఆర్థిక వ్యవస్థకు మంచి చేస్తుంది.

నాణ్యమైన స్టాకులు నుంచి స్మాల్‌, మిడ్‌ క్యాప్‌ల వైపు..
స్మాల్‌, మిడ్‌క్యాప్‌ స్టాకులు, ఆర్థిక వ్యవస్థలో కొన్ని విలువాధారిత రంగాల స్టాకులు సరియైన వాల్యుషన్‌ వద్ద లభ్యమవుతున్నాయి. మరోవైపు స్వల్పకాలానికి గాను నాణ్యమైన స్టాకులు సానుకూలంగా కదలాడే అవకాశం ఉంది. కానీ ఈ స్టాకులు ఇప్పటికే అధిక విలువతో ఉన్నాయి. అందువలన వచ్చే కొన్నేళ్లలో నాణ్యమైన స్టాకుల నుంచి స్మాల్‌, మిడ్‌క్యాప్‌, విలువాధారిత స్టాకుల వైపు ఇన్వెస్టర్లు దృష్ఠి సారించాలని మేము సిఫార్సు చేస్తున్నాం. దీర్ఘకాలానికి గాను పెట్టుబడుల పెట్టాలనుకునే ఇన్వెస్టర్లు కంపెనీల ఆస్తులను పరిగణలోకి తీసుకోవడం చాలా ముఖ్యం. ఫండ్లకు సంబంధించి..క్రెడిట్‌ రిస్క్‌, మోస్తరు కాలవ్యవధి కలిగిన డెట్‌ ఫండ్లలో ఇన్వెస్ట్‌ చేయడానికి ప్రయత్నించవచ్చు.

ఇవి దేశ ఆర్థిక వ్యవస్థకు ప్రతికూలం..
చమురు ధరలలో పెరుగుదల, యుఎస్‌ ఫెడ్‌.. రేట్లను పెంచే వైఖరీ వంటి అంశాలు దేశీయ ఆర్థిక వ్యవస్థపై ప్రతికూల ప్రభావాన్ని చూపుతాయి. అంతర్జాతీయంగా ఎటువంటి రాజకీయ ఉద్రిక్తతలు జరిగిన అది దేశీయ మార్కెట్‌లపై ప్రభావాన్ని చూపడం ఖాయం. వీటితో పాటు గత సైకిల్‌లో ఏర్పడిన సమస్యల నుంచి ఆర్థిక వ్యవస్థ బయటపడాలని ఆశిస్తున్నా. రియల్‌ఎస్టేట్‌ రంగంలో లిక్విడిటీ కొరత వలన చిక్కుకున్న ప్రాజెక్టులను ఎవరో ఒకరు కొనుగోలు చేసి, పూర్తి చేసి వినియోగదారులకు అందించాలని ఆశిస్తున్నా. 2008 లో యుఎస్‌ ఇటువంటి సమస్యల నుంచి బయటపడింది. యూరోప్‌ సమస్యల నుంచి బయటపడడంలో నెమ్మదిగా ఉంది. దేశీయ ఆర్థిక వ్యవస్థ కూడా గత సైకిల్‌లో ఏర్పడిన సమస్యల నుంచి వేగంగా బయటపడితే బుల్‌ మార్కెట్‌ కొనసాగుతుంది. ఇది ఆలస్యమయితే వృద్ధి మందగిస్తుంది.

ఈ రంగాలలో పోటి తక్కువ..
గత 12 ఏళ్ల నుంచి అధ్వాన్న ప్రదర్శనను చేసిన సెక్టార్‌లను మేము సిఫార్సు చేస్తున్నాం. పవర్‌, టెలికాం, కొన్ని కార్పోరేట్‌ బ్యాంకులు, స్మాల్‌ క్యాప్‌, మిడ్‌ క్యాప్‌లు గత 12 ఏళ్ల నుంచి అతి తక్కువ రిటర్న్‌లను ఇచ్చాయి. ఈ రంగాల షేర్లు దిద్దుబాటుకు గురయ్యి సరియైన విలువ వద్ద ప్రస్తుతం ట్రేడవుతున్నాయి. గత 12 ఏళ్ల కాలంలో మన పవర్‌ డిమాండ్‌ పెరగలేదని నేను అనుకోవడం లేదు. కానీ వచ్చే ఐదేళ్లకు గాను వీటి భాహ్య దృక్పథం బాగుందనే నా అంచనా. ఈ సెక్టార్‌లో పోటిపడే కంపెనీల సంఖ్య ఇప్పటికి పెరగకపోవడంతో ఈ రంగాలపై విశ్వాసం ఏర్పడింది. 
   మూడేళ్ల కిందట వృద్ధి పుంజుకున్నప్పుడు, ఈ సెక్టార్‌లలో ప్రధాన పోటిదారులుగా మూడు కంపెనీలు మాత్రమే ఉండేవి. అప్పుడవి బాగా ప్రదర్శన చేశాయి. ఇండియా పవర్‌ సెక్టార్‌లో ఇప్పటికి పోటిపడే ప్రధాన కంపెనీలు 4-5 వరకు ఉంటాయి. కానీ ప్రస్తుతం పవర్‌ డిమాండ్‌ 12 ఏళ్ల కంటే అధికంగా ఉంది. అదేవిదంగా టెలికాం సెక్టార్‌లో ఇప్పటికి మూడు కంపెనీలే ప్రధానంగా పోటి పడుతున్నాయి. 



You may be interested

ఇప్పటి ధరల్లో షేర్లు ఆకర్షణీయం కాదు: రాజీవ్‌ ఖన్నా

Wednesday 25th September 2019

-వినియోగ శక్తి పెరిగితేనే ఆర్థిక వ్యవస్థకు మంచిది -అప్పటి వరకు వేచి చూసే దోరణి వైపే మొగ్గు: రాజీవ్‌ ఖన్నా -స్మాల్‌ క్యాప్‌, మిడ్‌క్యాప్‌లలో అవకాశాలు బాగున్నాయి: విజయ్‌ కేడియా -ఆర్‌ఓసీఈని సమర్ధవంతంగా నిర్వహిస్తున్న కంపెనీల స్టాకులను విడిచిపెట్టోద్దు: అభిషేక్‌ బాసుముల్లిక్‌         దేశ ఆర్థిక వ్యవస్థను తిరిగి గాడిలో పెట్టేందుకు కేంద్ర ఆర్థిక మంత్రి వరుస ఆర్థిక చర్యలను ప్రకటించారు. అన్నిటికన్నా ముఖ్యంగా కార్పోరేట్‌ ట్యాక్స్‌ను తగ్గించారు. వీటి ఫలితంగా

మార్కెట్‌ పతనానికి ‘‘పంచ’’ కారణాలివే..!

Wednesday 25th September 2019

మార్కెట్‌ బుధవారం భారీగా నష్టపోయింది. అమెరికా అధ్యక్షుడు డొనాల్డ్‌ ట్రంప్‌పై ప్రతిపక్ష పార్టీ అభిశంసన తీర్మానాన్ని ప్రవేశపెట్టడం,  ఆసియా అంతటా మందగమనం వ్యాపించిందనే సంకేతాలు  ఆసియా డెవెలప్‌మెంట్‌ బ్యాంక్‌ నుంచి వెలువడటం వంటి కారణాలతో పాటు లాభాల స్వీకరణ తోడవ్వడంతో మార్కెట్‌ అమ్మకాలు అడ్డూఅదుపు లేకుండా పోయాయి. సెన్సెక్స్‌ 581 పాయింట్లు నష్టపోయి 38,510.97 వద్ద, నిఫ్టీ 166 పాయింట్లను కోల్పోయి 11,421.80 వద్ద ఇంట్రాడే కనిష్టాలను నమోదు చేశాయి. ఎన్‌ఎస్‌ఈలోని నిఫ్టీ మిడ్‌క్యాప్‌,

Most from this category