News


ఈ స్టాక్స్‌ కొనొచ్చు

Monday 21st October 2019
Markets_main1571631635.png-29024

బ్రోకరేజ్‌ సంస్థ: ఐసీఐసీఐ డైరెక్ట్‌ 
ఏసీసీ:    కొనచ్చు; ప్రస్తుత ధర: రూ.1,553; టార్గెట్‌ ధర: రూ.1,900
ఎందుకంటే: ఈ సిమెంట్‌ కంపెనీ ఈ ఆర్థిక సంవత్సరం రెండో త్రైమాసిక ఆర్థిక ఫలితాలు మిశ్రమంగా ఉన్నాయి. నిర్వహణ పనితీరు అంచనాలకు అనుగుణంగానే ఉండగా, వ్యయాలు అంచనాలను మించి పెరగడంతో నికర లాభం అంచనాలను అందుకోలేకపోయింది. ఆదాయం 3 శాతం వృద్ధితో రూ.3,464 కోట్లకు పెరిగింది. వర్షాలు ఎక్కువ కాలం కురియడం, బలహీన ఆర్థిక పరిస్థితుల కారణంగా సిమెంట్‌ అమ్మకాలు 2 శాతం తగ్గి 6.44 మిలియన్‌ టన్నులకు చేరాయి. అయితే రెడీమేడ్‌ కాంక్రీట్‌(ఆర్‌ఎమ్‌సీ) విభాగం అమ్మకాలు 11 శాతం పెరిగాయి.  రియలైజేషన్లు అధికంగా ఉండటం, ముడి పదార్థాల ధరలు తక్కువగా ఉండటంతో లాభదాయకత పెరిగింది. నిర్వహణ లాభం 32 శాతం పెరిగి రూ.403 కోట్లకు పెరిగింది. నికర లాభం 45 శాతం వృద్ధి రూ.303 కోట్లకు పెరిగింది. (ఈ కంపెనీ రూ.339 కోట్ల నికర లాభం సాధించగలదని అంచనా వేశాం). గత ఆరు నెలల కాలం సిమెంట్‌ పరిశ్రమకు గడ్డుకాలం. ఆర్థిక మందగమనం, వినియోగం బలహీనపడటం, వర్షాలు ఎక్కువ కాలం కొనసాగడం, కొన్ని రాష్ట్రాల్లో వరదలు రావడం... ఈ విషయాల కారణంగా సిమెంట్‌ డిమాండ్‌ తగ్గింది. ఆర్థిక వ్యవస్థలో జోష్‌ను పెంచడానికి ప్రభుత్వం తీసుకుంటున్న పలు చర్యల కారణంగా రానున్న రెండు క్వార్టర్లలో సిమెంట్‌కు డిమాండ్‌ పుంజుకోగలదని భావిస్తున్నాం. గతంలో కంపెనీ ప్రకటించిన విస్తరణ ప్రణాళికలు వచ్చే 2021లో పూర్తవుతాయని అంచనా. రెండేళ్లలో సిమెంట్‌ అమ్మకాలు 3 శాతం, నిర్వహణ లాభం 15 శాతం,  నిర్వహణ లాభ మార్జిన్‌ 2 శాతం చొప్పున  చక్రగతిన వృద్ధి చెందగలవని భావిస్తున్నాం. ధరలు పెంచుకోవడానికి అవకాశం ఉండటం, ప్రీమియమ్‌ ఉత్పత్తుల మార్కెట్లో ఈ కంపెనీ మార్కెట్‌ వాటా పెరుగుతుండటం, వడ్డీరేట్లు తక్కువ స్థాయిల్లో ఉండటం, కొత్త కంపెనీల కొత్త ప్లాంట్ల ఏర్పాటుకు కేంద్రం భారీగా ప్రోత్సాహకాలు ఇవ్వనుండటం, కార్పొరేట్‌ ట్యాక్స్‌ తగ్గడం... ఇవన్నీ  సానుకూలాంశాలు. 

బ్రోకరేజ్‌ సంస్థ: ఎడెల్‌వీజ్‌ ఫైనాన్షియల్‌ సర్వీసెస్‌
పీవీఆర్‌: కొనచ్చు; ప్రస్తుత ధర: రూ.1,828; టార్గెట్‌ ధర: రూ.2,100
ఎందుకంటే: ఈ మల్టీప్లెక్స్‌ చెయిన్‌ కంపెనీ ప్రస్తుత ఆర్థిక సంవత్సరం రెండో త్రైమాసిక ఆర్థిక ఫలితాలు అంచనాలు మించాయి. కంటెంట్‌ బలంగా ఉండటం(మంచి సినిమాలు విడుదల కావడం)తో ఆదాయం 37 శాతం, నిర్వహణ లాభం 57 శాతం, నికర లాభం 98 శాతం చొప్పున పెరిగాయి. గడ్డు పరిస్థితుల్లోనూ ప్రకటనల ఆదాయం 16 శాతం పెరగడం విశేషం. ఆహార, పానీయాల(ఎఫ్‌అండ్‌బీ) విభాగం ఆదాయం 25 శాతం మేర వృద్ధి చెందింది. వ్యయాలు బాగానే పెరిగినా, నిర్వహణ లాభ మార్జిన్‌ 2.5 శాతం పెరిగి 20 శాతానికి చేరింది. ఇది బహుళ క్వార్టర్ల గరిష్ట స్థాయి. స్క్రీన్ల విస్తరణపై ఈ కంపెనీ దృష్టి కొనసాగుతోంది. ఈ ఏడాది సెప్టెంబర్‌ నాటికి 800కు పైగా స్క్రీన్లతో కార్యకలాపాలు నిర్వహిస్తోంది. వచ్చే ఏడాది మార్చినాటికి కొత్తగా 60 స్క్రీన్లను ఏర్పాటు చేయనున్నది. ఈ కంపెనీ అనుబంధ సంస్థ, పీవీఆర్‌ పిక్చర్స్‌ ఈ క్యూ2లో రూ.65 కోట్ల ఆదాయం ఆర్జించింది. చిన్న నగరాల్లో పీవీఆర్‌ ఉత్సవ్‌ పేరుతో చిన్న మల్టీప్లెక్స్‌ల ఏర్పాటు జోరుగా సాగుతోంది. కంటెంట్‌ వైవిధ్యభరితంగా ఉన్న సినిమాలు విడుదల కానుండటం, స్క్రీన్ల విస్తరణ జోరు కొనసాగుతుండటం సానుకూలాంశాలు. థియేటర్లలో విడుదలైన కొన్ని నెలలకే అమెజాన్‌ వంటి డిజిటల్‌ ​‍స్ట్రీమింగ్‌ సర్వీసుల్లో కొత్త సినిమాలు అందుబాటులోకి వస్తుండటం, స్క్రీన్ల విస్తరణలో అడ్డంకులు... ఇవి ప్రతికూలాంశాలు. ఏడాది కాలంలో ఈ షేర్‌ రూ.2,100 ధరను చేరగలదని  అంచనా వేస్తున్నాం. 



You may be interested

డిమాండ్‌ ఆందోళనలు.. నష్టాల్లో చమురు

Monday 21st October 2019

   చైనా ఆర్థిక వ్యవస్థ బలహీనంగా ఉండడంతోపాటు, రష్యా సెప్టెంబర్‌ నెలలో నిర్దేశించుకున్న లక్ష్యం కన్నా అధికంగా చమురును ఉత్పత్తి చేయడంతో చమురు డిమాండ్‌ ఆందోళనలు పెరిగాయి. ఫలితంగా సోమవారం ట్రేడింగ్లో చమురు ధరలు నష్టాల్లో ట్రేడవుతున్నాయి. ఉదయం 9.25 సమయానికి బ్రెంట్‌ క్రూడ్‌ 0.30 శాతం నష్టపోయి బారెల్‌ 59.24 డాలర్ల వద్ద, డబ్యూటీఐ క్రూడ్‌ 0.15 శాతం నష్టపోయి బ్యారెల్‌ 53.79 డాలర్ల వద్ద ట్రేడవుతున్నాయి.    ‘చైనా

36 శాతం పెరిగిన ఎల్‌ఐపీ హౌసింగ్‌ ఫైనాన్స్‌ లాభం

Monday 21st October 2019

రూ.4,981 కోట్లకు పెరిగిన మొత్తం ఆదాయం  నికర వడ్డీ ఆదాయం 16 శాతం వృద్ధి  న్యూఢిల్లీ: ఎల్‌ఐసీ హౌసింగ్‌ ఫైనాన్స్‌ నికర లాభం ఈ ఆర్థిక సంవత్సరం సెప్టెంబర్‌ క్వార్టర్లో 36 శాతం పెరిగింది. గత క్యూ2లో రూ.563 కోట్లుగా ఉన్న నికర లాభం(కన్సాలిడేటెడ్‌) ఈ క్యూ2లో రూ.768 కోట్లకు పెరిగిందని ఎల్‌ఐసీ హౌసింగ్‌ ఫైనాన్స్‌ తెలిపింది. మొత్తం ఆదాయం రూ.4,205 కోట్ల నుంచి రూ.4,981 కోట్లకు పెరిగిందని పేర్కొంది. నికర వడ్డీ

Most from this category