News

• కొత్త జీవితకాల గరిష్టాన్ని అందుకున్న జియో
• ఏడాది గరిష్టానికి ఎయిర్‌టెల్‌
• 23శాతం పెరిగిన వోడాఫోన్‌-ఐడియా

దేశీయ టెలికాం కంపెనీలు కాల్‌ సర్వీసులపై టారీఫ్‌ల పెంచడంతో సోమవారం ఈ రంగానికి చెందిన షేర్లు భారీగా లాభపడ్డాయి. దాదాపు నాలుగేళ్ల అనంతరం టారీఫ్‌ భారీ స్థాయిలో పెంచుతూ ఆదివారం ఆయాఆయా కంపెనీలు ప్రకటించాయి. వోడాఫోన్‌-ఐడియా, ఎయిర్‌టెల్ టారీఫ్‌ల పెంపు ఏకంగా 50శాతం దాకా, జియో టారీఫ్‌ల పెంపు 40శాతం దాకా ఉండనుంది. భారతి ఎయిర్‌టెల్, వొడాఫోన్‌ ఐడియా కస్టమర్లు నెలరోజుల పాటు కనెక్షన్‌ కలిగి ఉండాలంటే కనీసం రూ. 49 కట్టాల్సి రానున్నట్లు పరిశ్రమవర్గాలు పేర్కొన్నాయి. వోడాఫోన్‌-ఐడియా, ఎయిర్‌టెల్ కోత్త రేట్లు డిసెంబంర్‌ 03 నుంచి అమల్లోకి రాగా, జియో రేట్లు డిసెంబర్‌ 6నుంచి అమల్లోకి రానున్నాయి. ఈ తాజా పరిణామతో నేడు ట్రేడింగ్‌ ప్రారంభంలో ఈ రంగానికి చెందిన షేర్లు భారీ లాభంతో మొదలయ్యాయి. 
52-వారాల గరిష్టానికి ఎయిర్‌టెల్‌ షేరు
కంపెనీ షేరు బీఎస్‌ఈలో 6.26శాతం లాభంతో రూ.470.00 వద్ద ట్రేడింగ్‌ను ప్రారంభించింది. ఇంట్రాడేలో 10శాతం పెరిగి రూ.485.75 వద్ద 52-వారాల గరిష్టాన్ని తాకింది. ఉదయం గం.9:30లకు షేరు క్రితం ముగింపు(రూ.442.30)తో పోలిస్తే 8.53శాతం లాభంతో రూ.480.05 వద్ద ట్రేడ్‌ అవుతోంది. కాగా షేరు ఏడాది కనిష్ట, గరిష్ట ధరలు వరుసగా రూ.259.11, రూ.485.75లుగా ఉన్నాయి.

వోడాఫోన్‌ ఐడియా 23శాతం జంప్‌:-
కంపెనీ షేరు బీఎస్‌ఈలో 10శాతం లాభంతో రూ.7.51 ట్రేడింగ్‌ను ప్రారంభించింది. ఇంట్రాడేలో 23.50శాతం పెరిగి రూ.8.44 స్థాయిని అందుకుంది. ఉదయం గం.9:30లకు షేరు క్రితం ముగింపు(రూ.6.83)తో పోలిస్తే 16శాతం లాభంతో రూ.8 వద్ద ట్రేడ్‌ అవుతోంది. కాగా షేరు ఏడాది కనిష్ట, గరిష్ట ధరలు రూ.2.61లు, రూ.25.01లు నమోదయ్యాయి

కొత్త గరిష్టాన్నికి రిలయన్స్‌ ఇండస్ట్రీస్‌:-
కంపెనీ షేరు బీఎస్‌ఈలో 2.84శాతం లాభంతో రూ.1595.00వద్ద ట్రేడింగ్‌ను ప్రారంభించింది. ఇంట్రాడేలో 4శాతం పెరిగి రూ.485.75 వద్ద కొత్త గరిష్టాన్ని నమోదు చేసింది. ఉదయం గం.9:30లకు షేరు క్రితం ముగింపు(రూ.1550.90)తో పోలిస్తే 3.50శాతం లాభంతో రూ.1604.70 వద్ద ట్రేడ్‌ అవుతోంది. కాగా షేరు ఏడాది కనిష్ట, గరిష్ట ధరలు వరుసగా రూ.1055.35, రూ.1614.00లుగా ఉన్నాయి.