News

దేశీయ కంపెనీలపై కార్పోరేట్‌ పన్ను తగ్గించడంతో గురువారం సూచీలు లాభాల మోత మోగించాయి. నిఫ్టీ సూచీ పదేళ్లలో అతిపెద్ద ర్యాలీ చేసింది. సెన్సెక్స్‌ 1956 పాయింట్లు ఎగిసింది. అన్నిరంగాలకు చెందిన షేర్లలో కొనుగోళ్ల సునామీ వెల్లువత్తడంతో ఇన్వెస్టర్ల సంపద ఒక గంటలో రూ.రూ.5లక్షల కోట్లకు పైగా పెరిగింది. ఇన్వెస్టర్ల సంపదగా భావించే  బీఎస్‌ఈ లిస్టెడ్‌ కంపెనీల మార్కెట్‌ విలువ గురువారం మార్కెట్‌ ముగిసే సరికి రూ.138.54లక్షల కోట్లుగా ఉంది. కేంద్ర ఆర్థిక మంత్రి కార్పోరేట్‌ పన్నును 30 శాతం నుంచి 25.2 శాతానికి తగ్గిస్తున్నట్లు ఉదయం 11 గంటలకు ప్రకటన చేసిన తరువాత 60నిమిషాల్లో సంపద రూ.143.45 లక్షల కోట్లకు పెరిగింది. 
‘‘బ్యాంకింగ్‌, ఎఫ్‌ఎంసీజీ, కన్జూ‍్యమర్‌ డ్యూరబుల్స్‌, అటో కంపెనీలు అధికంగా లబ్ధిగా పొందే అవకాశం. ప్రపంచవ్యాప్తంగా పలుదేశాల మధ్య జరుగుతున్న వాణిజ్య యుద్ధం నేపథ్యంలో... ఇండియాలో నూతన తయారీ రంగ కంపెనీలకు 15శాతం కార్పోరేట్‌ పన్ను పరిమితితో తయారీరంగం మరింత ఆకర్షణీయంగా మారుతుంది. ’’ అని కార్వీ స్టాక్‌ బ్రోకింగ్‌ సంస్థ సీఈవో రాజీవ్‌ సింగ్‌ తెలిపారు.
మధ్యాహ్నం‍ గం.1:15ని.లకు సెన్సెక్స్‌ 1922 పాయింట్లు లాభంతో 38,015.62 వద్ద, నిఫ్టీ 553.20 పాయింట్లు పెరిగి 11,258.00 వద్ద ట్రేడ్‌ అవుతున్నాయి.