News


లాభంతో మొదలై నష్టాల్లోకి...!

Wednesday 4th March 2020
Markets_main1583294670.png-32258

దేశీయ సూచీలు బుధవారం స్వల్పలాభంతో మొదలైనప్పటికీ.., వెంటనే నష్టాల్లోకి మళ్లింది. అంతర్జాతీయ మార్కెట్లను నుంచి మిశ్రమ సంకేతాలను అందిపుచ్చుకున్న సెన్సెక్స్‌ 89.75 పాయింట్ల పెరిగి 38713.45 వద్ద, నిఫ్టీ 28.85 పాయింట్ల లాభంతో 11332.15 వద్ద ట్రేడింగ్‌ను ప్రారంభించింది. అయితే ఇన్వెస్టర్లు అమ్మకాలకే మొగ్గచూపడంతో సూచీలు తిరిగి నష్టాల్లోకి మళ్లాయి.  ఉదయం గం.9:30ని.లకు సెన్సెక్స్‌ 50పాయింట్ల నష్టంతో  38,569.55 వద్ద, నిఫ్టీ 16 పాయింట్లను కోల్పోయి 11,287.30 వద్ద ట్రేడ్‌ అవుతున్నాయి.

కరోనా వైరస్‌ వ్యాధి వ్యాప్తితో కుదేలైన ఆర్థిక వ్యవస్థను కుదుటపరిచేందుకు అమెరికా ఫెడ్‌ రిజర్వ్‌ బ్యాంక్‌ నిన్నరాత్రి అత్యవసర వడ్డీరేట్ల తగ్గింపు ఈక్విటీ మార్కెట్లను ఆదుకోలేకపోయింది. అమెరికా మార్కెట్లు నిన్నరాత్రి 3శాతం నష్టాన్ని చవిచూశాయి. నేడు ఆసియాలో ప్రధాన మార్కెట్లలో కొన్ని నష్టాల్లో, మరికొన్ని లాభాల్లో ట్రేడ్‌ అవుతున్నాయి. 

ఇక దేశీయ పరిణామాల విషయానికొస్తే... ఫెడ్‌ వడ్డీరేట్ల కోతతో నిన్నటి ఫారెక్స్‌ మార్కెట్లో భారీ పతనమైన 73.29 వద్ద ముగిసిన రూపాయి నేడు 22పైసలు బలపడి 73.07 వద్ద ట్రేడింగ్‌ను ప్రారంభించింది. 

ఐటీ, ఎఫ్‌ఎంజీసీ షేర్లకు తప్ప మిగిలిన అన్ని రంగాలకు చెందిన షేర్లు అమ్మకాల ఒత్తిడికి లోనవుతున్నాయి. ముఖ్యంగా మెటల్‌, బ్యాంకింగ్‌ రంగ షేర్లు ఎక్కువగా నష్టాలను చవిచూస్తున్నాయి. బ్యాంక్‌ నిఫ్టీ ఇండెక్స్‌ అరశాతం నష్టపోయి 29,012 వద్ద స్థిరపడింది. 
జేఎస్‌డబ్ల్యూస్టీల్‌, ఇండస్‌ఇండ్‌ బ్యాంక్‌, టాటా స్టీల్‌, టాటా మోటర్స్‌, వేదాంత షేర్లు 2శాతం నుంచి 3శాతం నష్టపోయాయి.  టీసీఎస్‌, టైటాన్‌, హెచ్‌సీఎల్‌ టెక్‌, ఏషియన్‌ పేయింట్స్‌, బజాజ్‌ ఫైనాన్స్‌ షేర్లు అరశాతం నుంచి 2శాతం లాభపడ్డాయి. 



You may be interested

ఫెడ్‌ రేట్‌ కట్‌- ఆగని డోజోన్స్‌ పతనం

Wednesday 4th March 2020

కరోనా వైరస్‌ ఎఫెక్ట్‌  ఫండ్స్‌ రేటులో 0.5 శాతం కోత పెట్టిన ఫెడరల్‌ రిజర్వ్‌ అయినా 3 శాతం పతనమైన అమెరికా స్టాక్‌ మార్కెట్లు సరికొత్త కనిష్టానికి జారిన 10 ఏళ్ల ట్రెజరీ బాండ్ల ఈల్డ్స్‌ టెక్‌ దిగ్గజాలు యాపిల్‌ ఇంక్‌, మైక్రోసాఫ్ట్‌ కుదేల్‌ అమెరికా రేటింగ్‌ను తగ్గించిన ఎస్‌అండ్‌పీ ఇటీవల ప్రపంచ దేశాలను వణికిస్తున్న కరోనా వైరస్‌ ధాటికి తాజాగా అమెరికా ఫెడరల్‌ రిజర్వ్‌ సైతం దిగివచ్చింది. ఈ నెల 17-18న పాలసీ సమావేశాలు నిర్వహించనున్నప్పటికీ అమెరికా

మరో రూ. 8వేల కోట్లు కట్టిన టెల్కోలు

Wednesday 4th March 2020

ప్రభుత్వంతో మరోసారి వొడా-ఐడియా సీఈవో భేటీ న్యూఢిల్లీ: ఏజీఆర్‌ బకాయిలకు సంబంధించి టెలికం సంస్థలు మంగళవారం మరో రూ. 8,000 కోట్లు కేంద్రానికి చెల్లించాయి. వొడాఫోన్ ఐడియా రూ. 3,043 కోట్లు, భారతి ఎయిర్‌టెల్ రూ. 1,950 కోట్లు, రిలయన్స్ జియో రూ. 1,053 కోట్లు, టాటా టెలీసర్వీసెస్ రూ. 2,000 కోట్లు కట్టాయి. ఇప్పటికే పూర్తి సెటిల్‌మెంట్ కోసం రూ. 2,197 కోట్లు కట్టామన్న టాటా టెలీసర్వీసెస్‌.. ఒకవేళ లెక్కల్లో

Most from this category