News


ఈ షేర్లు కొనొచ్చు

Friday 13th September 2019
Markets_main1568358363.png-28353

సెప్టెంబర్‌ నెలకు సంబంధించి వివిధ బ్రోకరేజిలు బై రేటింగ్‌ ఇచ్చిన స్టాకులు:

బ్రోకరేజ్: ఫిలిప్ కాపిటల్
కోరమాండల్ ఇంటర్నేషనల్: కొనచ్చు; టార్గెట్‌ ధర: రూ .500; రిటర్న్‌: 32 శాతం
స్టాక్‌ మార్కెట్‌లో నమోదైన యూరియేతర కంపెనీలలో కోరమండల్‌ ఇం‍టర్నేషనల్‌ ముందు వరుసలో ఉంది. బ్యాక్‌వార్డ్‌ ఇంటిగ్రేషన్‌ కలిగి ఉండి క్యాప్టివ్ ఫాస్పోరిక్ ఆమ్లం, వ్యవసాయ రసాయనాలను ఈ కంపెనీ తయారు చేస్తోంది. ఈ కంపెనీ తన ప్రత్యర్ధ కంపెనీలయిన జువారీ ఆగ్రో, జీఎస్‌ఎఫ్‌సీ, మంగుళూరు కెమికల్స్, దీపక్ ఫెర్టిలైజర్స్‌, ఆర్‌సీఎఫ్‌  కంటే ప్రీమియం వద్ద ట్రేడవుతోంది. కానీ అంతర్జాతీయ ఫాస్ఫటిక్‌ ఫెర్టిలైజర్స్‌ కంపెనీలయిన మోసాయిక్‌, న్యూట్రీన్‌, ఫోష్‌ఆగ్రో వంటి కంపెనీలు వాటి బ్యాక్‌వార్డ్‌ ఇంటిగ్రేసన్‌( ఈ కంపెనీలు సొంతంగా ఫాస్ఫేట్‌ రాక్‌ మైనింగ్‌ కలిగి ఉండడం) వలన కోరమండల్‌ ఇంటర్నేషనల్‌ కంటే మార్జినల్‌ ప్రీమియంతో ట్రేడవుతున్నాయి. అయినప్పటికి ఇండియా కంపెనీలతో పోల్చుకుంటే కోరమండల్‌ ఇంటర్నేషనల్‌ అధిక ప్రీమియంతో ట్రేడవుతుందని అంచనా వేస్తున్నాం. అధిక నిల్వల ఆందోళన కారణంగా ఈ కంపెనీ వాల్యుషన్‌లను స్వల్పకాలానికి(ఆర్థిక సంవత్సరం 2020) గాను గమనించడం చాలా ముఖ్యం.

ఛంబల్‌ ఫెర్టిలైజర్‌: కొనచ్చు; టార్గెట్‌ ధర: రూ. 200; రిటర్న్‌: 28 శాతం
నాన్‌  కోర్‌ వ్యాపారం నుంచి బయటకు వచ్చేసి, గడేపన్‌ 3(రాజస్థాన్‌లోని ఒక ప్లాంట్‌) ని విజయవంతంగా ఈ కంపెనీ కలుపుకోవడంతో ఆర్థిక సంవత్సరం 20-22 కు ఆదాయం, మార్జిన్‌ పెరుగుతాయని అంచనా వేశాం. అదనపు యూరియా అమ్మకాల పరిమాణం, ఈ కంపెనీ వ్యాపారాలు(నాన్‌ యూరియా గ్రేడ్స్‌; డీఏపీ; ఎన్‌పీ/ఎన్‌పీకే/ఎన్‌పీఎస్‌) కు ప్లస్‌ కానుంది. ఆర్థిక సంవత్సరం 19-22కి గాను ఈ కంపెనీ ఆదాయం/ఎబిట్డా/పాట్‌(పన్నుల తర్వాత లాభం) సీఎజీఆర్‌(కాంపాండ్‌ యాన్యుల్‌ గ్రోత్‌ రేట్‌)  8/14/17 శాతం ఉండనున్నాయి. ఇందులో అధిక భాగం గడేపన్‌ 3 ఫ్లాంట్‌ నుంచి ఉంటాయని అంచనా వేశాం. ఈ కంపెనీ వ్యాపారాల వాల్యుమ్‌ వృద్ధి ఆర్థిక సం‍వత్సరం 2020 లో మందగమనాన్ని ఎదుర్కొంటుంది. కానీ గడేపన్‌ 3 నుం‍చి మద్దతు ఉండడంతో ఈ కంపెనీ మార్జిన్‌ బాగుంది. అంతేకాకుండా గడేపన్‌ 3 ప్లాంట్‌ను కలుపుకోవడంతో ఈ కంపెనీ వ్యాపార అవకాశాలు పెరిగాయి.

యూపీఎల్‌: కొనచ్చు; టార్గెట్‌ ధర: రూ. 730; రిటర్న్‌: 24 శాతం
ఆర్థిక సంవత్సరం 19-22 కి గాను యూపీఎల్‌ ఆదాయం/ఎబిట్డా సీఏజీఆర్‌ 25/28 శాతంగా ఉండనున్నాయని అంచనా వేస్తున్నాం. ఈ కంపెనీ వృద్ధి, మార్జిన్‌లకు ఆర్యస్టా విలీనం మద్ధతుగా ఉంది. ఉత్తర అమెరికా, యూరోప్‌లోని కొంత భాగంలో డిమాండ్‌ తగ్గడం, ఇండియాలో వాతవరణం ప్రతికూలంగా ఉండడం వంటి అంశాలు ఆర్థిక సంవత్సరం 2020 కి గాను వృద్ధి తగ్గుదలకు ప్రధాన కారణాలుగా ఉన్నాయి. 
   దేశియ కంపెనీలు దేశియ మార్కెట్‌పై అధికంగా దృష్ఠి పెట్టడంతో యూపీఎల్‌ కంటే దేశియ కంపెనీలు ప్రీమియంతో ట్రేడవుతున్నాయి. అయినప్పటికి అంతర్జాతీయ సంస్థలతో పోల్చుకుంటే నిలకడగా రాణిస్తుండడంతో ఈ కంపెనీ మంచి ప్రీమియంతో ట్రేడవుతోంది. ఆర్థిక సంవత్సరం 2020 మొదటి భాగంలో  డిమాండ్‌ తగ్గడం, అర్యస్టా కలవక ముందు కంపెనీ నికర అప్పులు/ ఎబిట్డా అందోళనల వలన ఈ కంపెనీ వాల్యుషన్‌ను గమనించడం అవసరం. అధిక ఆపరేషనల్‌ వ్యయం, తక్కువ వృద్ధి వలన అంతర్జాతీయ కంపెనీలు ఎఫ్‌ఎంసీ, బీఏఎస్‌ఎఫ్‌, నూఫార్మ్‌ వంటి కంపెనీలు యూపీఎల్‌ కంటే రాయితీతో ట్రేడవుతున్నాయి. టార్గెట్‌ ధర రూ. 730ని చేరుకోడానికి ఆర్థిక సంవత్సరం 21 సెప్టెంబర్‌కు, ఈ కంపెనీ ఈవీ(ఎంటర్‌ ప్రైజ్‌ విలువ)/ఎబిట్డా 9 రెట్లు ఉంటుం‍దని అంచనా వేస్తున్నాం.

బ్రోకరేజ్: ఆనంద్ రాఠి
ఐసీఐసీఐ బ్యాంక్: కొనచ్చు ; టార్గెట్‌ ధర :రూ .511; రిటర్న్‌: 30 శాతం
రిటైల్‌ బ్యాంకింగ్‌ ఉత్పత్తులకు సంబంధించి ఐసీఐసీఐ బ్యాం‍క్‌ బలంగా ఉంది. అంతేకాకుండా ఈ బ్యాంక్‌ రుణ పోర్టుపోలియో వైవిధ్యంగా ఉండడం గమనార్హం. ఫలితంగా గత నాలుగేళ్ల నుంచి ఈ బ్యాంక్‌ ఆస్తి నిర్వహణ అదుపులో ఉంటూ..11 శాతం సీఏజీఆర్‌ వృద్ధిని నమోదు చేసింది. ఆస్తి నాణ్యత ట్రెండ్స్‌, వ్యూహాత్మక దృష్టి వలన ఈ బ్యాం‍క్‌ నిలకడగా రిటర్న్‌లను అందించనుంది. రాబోయే రెండు ఆర్థిక సంవత్సరాల్లో కంపెనీ తన స్టాండ్‌ఎలోన్‌ ఎన్‌ఐఐ(నికర వడ్డీ ఆదాయం) 17 శాతం సీఏజీఆర్‌ వద్ద ఉంటుందని అంచనా వేస్తున్నాం. అంతేకాకుండా లాభదాయకత విషయంలో, రాబోయే రెండు ఆర్థిక సంవత్సరాల్లో కంపెనీ స్టాండ్‌ఎలోన్‌ పాట్‌ సీఏజీఆర్‌ను 111 శాతం నివేదిస్తుందని ఆశిస్తున్నాం. క్రెడిట్‌ వ్యయం తగ్గడంతో, కవరేజి రేసియో పెరగడంతో ఐసీఐసీఐ బ్యాంక్ అధిక రిటర్న్‌లను అందించగలదని అంచనా వేస్తున్నాం.

టాటా కన్సల్టెన్సీ సర్వీసెస్‌: కొనచ్చు; టార్గెట్‌ ధర: రూ .2,510; రిటర్న్‌: 15 శాతం
టాటా కన్సల్టెన్సీ సర్వీసెస్ (టీసీఎస్‌) కొత్త క్లయింట్లను చేర్చుకోవడం, పెద్ద ఒప్పందాలను సాధించడం, వినియోగదారులతో సహ-ఆవిష్కరణలు చేయడం వంటి వ్యూహాల వలన ఈ కంపెనీ వృద్ధి రేటు స్థిరంగా పెరుగుతోంది. స్థిరమైన కరెన్సీ వద్ద ఈ కంపెనీ ఆదాయం, ఆర్థిక సంవత్సరం 2020 మొదటి త్రైమాసికంలో ఏడాది ప్రాతిపదికన 10.6 శాతం వృద్ధిని నమోదుచేసింది. ఈ త్రైమాసికంలో టీసీఎస్‌ నికర ఆదాయం రూ. 8,131 కోట్లకు చేరుకుంది. టీసీఎస్‌ మొత్తం కాంట్రాక్ట్‌ విలువ బీఎఫ్‌ఎస్‌ఐ(బ్యాంకింగ్‌, ఫైనాన్స్‌, ఇన్సురెన్స్‌ సర్వీసెస్‌)లో వృద్ధి పెరుగుతోంది. అంతేకాకుండా ఈ కంపెనీ డిజిటల్‌ ఆదాయ వృద్ధి పెరుగుతోంది.

బ్రోకరేజ్: ఈక్విరస్
పీఐ ఇండస్ట్రీస్: కొనచ్చు; టార్గెట్‌ ధర: రూ .1,890; రిటర్న్‌: 52 శాతం
ఆర్థిక సంవత్సరం 2019-22 కి గాను పీఐ ఇండస్ట్రీస్‌ సీఏజీఆర్‌(కాంపాండ్‌ యాన్యుల్‌ గ్రోత్‌ రేట్‌) ఆదాయం 23 శాతం వృద్ధి చెందుతుందని అంచనా వేస్తున్నాం. ఆదాయం వృద్ధి చెందడం వలన సీఏజీఆర్‌ లాభం  27 శాతం పెరుగుతుంది. ఈ స్టాక్ ఎప్పుడూ చౌకగా ట్రేడింగ్‌ చేయలేదు. ఈ స్టాక్‌ ఈక్విటీపై ఇచ్చే 21 శాతం రిటర్న్‌, 35 రెట్లు వద్ద ట్రేడింగ్ మల్టిపుల్‌ను కొనసాగించడానికి సహాయపడుతుంది.

బ్రోకరేజ్: ఇండ్‌సెక్ సెక్యూరిటీస్ అండ్ ఫైనాన్స్
నాట్కో ఫార్మా: కొనచ్చు; టార్గెట్‌ ధర: రూ .660; రిటర్న్‌: 13 శాతం
నాట్కో ఎఫ్‌టీఎఫ్(ఫస్ట్‌ టూ ఫైల్‌) లాంచ్‌లతో అభివృద్ధి చెందుతున్న మార్కెట్లలో విస్తరిస్తోంది. ప్రస్తుతం, నాట్కో తన ఐదేళ్ల సగటు పీఈ కంటే 40 శాతం తగ్గింపుతో ట్రేడ్ అవుతోంది. 

బ్రోకరేజ్: సుశీల్ ఫైనాన్స్
అతుల్ లిమిటెడ్: కొనచ్చు; టార్గెట్‌ ధర: రూ .4,424; రిటర్న్‌: 26 శాతం
అతుల్‌ లిమిటెడ్‌ ఆర్థిక సంవత్సరం 2020లో 13.5 శాతం, ఆర్థిక సంవత్సరం 2021లో 8.9 శాతం వృద్ది చెందుతుందని అంచనా వేస్తున్నాం. అంతేకాకుండా ఆర్థిక సంవత్సరం 2020 లో ఈపీఎస్‌(షేరుపై ఆదాయం) రూ. 182.64, ఆర్థిక సంవత్సరం 2021లో ఈపీఎస్‌ రూ. 212.78 గా ఉంటుందని ఆశిస్తున్నాం. గత ఏడాది ధరలను పెంచడం వలన ఈ కంపెనీ వృద్ధి పెరిగింది. కానీ ఈ ఏడాది ధరలను స్థిరంగా ఉంచి వాల్యుమ్‌లను పెంచడం ద్వారా వృద్ధి సాధించాలని కంపెనీ భావిస్తోంది.  



You may be interested

అంతర్జాతీయ బ్రోకరేజ్‌ల టాప్‌ సిఫార్సులు

Friday 13th September 2019

అంతర్జాతీయ బ్రోకరేజ్‌ల సిఫార్స్‌ చేసిన టాప్‌ స్టాకులు: బ్రోకరేజి: జేపీ మోర్గాన్‌ ఇన్ఫోసిస్‌ స్టాక్‌పై ‘ఓవర్‌ వెయిట్’ను కొనసాగిస్తు, టార్గెట్‌ ధరను షేరుకు రూ. 850గా ఈ బ్రోకరేజి నిర్ణయించింది. ప్రస్తుత పరిస్థితులలో కూడా ఇన్ఫోసిస్‌ బాగా ప్రదర్శన చేసిందని, రిస్క్‌ తీసుకోకూడదని అనుకునే వారికి ఈ స్టాకు ఇప్పటికీ ఆకర్షణియంగా కనిపిస్తోందని ఈ బ్రోకరేజి తెలిపింది. ఈ కంపెనీ ఆదాయవృద్ధి ఆర్థిక సంవత్సరం 2021 లో ఓ మోస్తరుగా ఉండే అవకాశం ఉందని అభిప్రాయపడింది.  బ్రోకరేజి: సీటీ జిందాల్

ప్రభుత్వరంగ బ్యాంక్‌ షేర్ల క్షీణత

Friday 13th September 2019

మార్కెట్‌ ఒడిదుడుకుల ట్రేడింగ్‌లో ప్రభుత్వరంగ బ్యాంకింగ్‌ షేర్లు భారీగా నష్టపోయాయి. ఎన్ఎస్‌ఈలో ప్రభుత్వరంగ బ్యాంకింగ్‌ షేర్లకు ప్రాతినిథ్యం వహించే నిఫ్టీ పీఎస్‌యూ ఇండెక్స్‌ శుక్రవారం ఉదయం సెషన్‌లో 2.60శాతం నష్టపోయింది. ఇండెక్స్‌లో అత్యధికంగా బ్యాంక్‌ ఆఫ్‌ బరోడా 3శాతం, కెనరా బ్యాంక్‌, యూనియన్‌ బ్యాంక్‌, ఓరియంటల్‌ బ్యాంక్‌ ఆఫ్‌ ఇండియా షేర్లు 2.50శాతం క్షీణించాయి. బ్యాంక్‌ ఆఫ్‌ ఇండియా, సిండికేట్‌ బ్యాంక్‌, ఇండియా బ్యాంక్‌, ఎస్‌బీఐ బ్యాంక్‌ షేర్లు 2శాతం

Most from this category