News


బడ్జెట్‌పై మార్కెట్‌ 10 అంచనాలివి?!

Friday 31st January 2020
Markets_main1580465406.png-31376

ద్రవ్యలోటును అదుపు చేస్తూనే ఇన్‌ఫ్రాస్ట్రక్చర్‌ రంగానికి పెట్టుబడులను సమకూర్చవలసి ఉంది. మరోపక్క ఆర్థిక మందగమనానికి చెక్‌ పెట్టేందుకు పన్నుల్లో కోత విధించడం ద్వారా వినియోగ రంగానికి జోష్‌నివ్వవలసి ఉంటుంది. గ్రామీణ ప్రాంతాల అభివృద్ధి ప్రణాళికలు, అందుబాటులో హౌసింగ్‌ తదితర చర్యలతోపాటు పలు సంస్కరణలకు తెరతీయవలసి ఉంది. ఈ నేపథ్యంలో వెలువడనున్న కేంద్ర బడ్జెట్‌పై స్టాక్‌ మార్కెట్‌ పలు ఆశలు పెట్టుకున్నట్లు విశ్లేషకులు వ్యాఖ్యానిస్తు‍న్నారు. వీటిలో ప్రధానంగా 10 అంచనాలను తెలియజేశారు. వివరాలు చూద్దాం..

1. రెవెన్యూ పెంపు: ఆర్థిక వ్యవస్థ రికవరీకి ప్రభుత్వ వ్యయాలు కీలకంకాగా.. పన్నుల పెంపునకు అవకాశంలేదు. దీంతో ప్రభుత్వం ఆస్తుల విక్రయం(డిజిన్వెస్ట్‌మెంట్‌), ప్రయివేటైజేషన్‌, ఇన్వెస్ట్‌మెంట్‌ హోల్డింగ్‌ కంపెనీ ద్వారా ఈటీఎఫ్‌ల విక్రయం తదితర మార్గాల ద్వారా నిధుల సమీకరణ చేపట్టవలసి ఉంది. 

2. కార్పొరేట్‌ బాండ్‌ మార్కెట్‌: భారీ ఇన్‌ఫ్రాస్ట్రక్చర్‌ ప్రాజెక్టులకు బ్యాంకుల నుంచి పూర్తిస్థాయిలో నిధులు సమకూరే పరిస్థితిలేదు. కార్పొరేట్‌ బాండ్‌ మార్కెట్‌ ఒక సొల్యూషన్‌కాగా.. రుణ సమీకరణ పెంపునకు వీలుగా ప్రభుత్వం ఒక సంస్థను ఏర్పాటు చేయవలసి ఉంది.

3. ప్రభుత్వ నిధులు: గత బడ్జెట్‌లో ప్రస్తావించినట్లు అంతర్జాతీయ మార్కెట్ల నుంచి నిధుల సమీకరణకు వీలుగా ప్రభుత్వం సావరిన్‌ బాండ్లను జారీ చేయవచ్చు. దీంతో దేశీ మార్కెట్లపై ఒత్తిడి తగ్గుతుంది.

4. ఎల్‌టీసీజీ క్రమబద్ధీకరణ: 14ఏళ్ల తదుపరి 2018 ఫిబ్రవరిలో దీర్ఘకాలిక పెట్టుబడి లాభాలపై పన్ను(ఎల్‌టీసీజీ)ను ప్రవేశపెట్టారు. దీనికితోడు సెక్యూరిటీ లావాదేవీల పన్ను(ఎస్‌టీటీ) కారణంగా పెట్టుబడులకు విఘాతం కలుగుతోంది.

5. డీడీటీ: డివిడెండ్‌ ఆదాయంపై కార్పొరేట్‌, డివిడెండ్‌ పంపిణీ పన్ను(డీడీటీ), ఆదాయ పన్ను రూపంలో మూడుసార్లు పన్ను విధింపు ఉంటోంది. దీనిని క్రమబద్ధీకరించాలి. సాంకేతిక వినియోగం ద్వారా డివిడెండ్‌ ఆదాయాన్ని తక్కువచేసి చూపిస్తే.. పట్టుకునేందుకు వీలుంటుంది.

6. బీమా కంపెనీలు: బీమా రంగ కంపెనీలలో విదేశీ యాజమాన్య వాటాను 49 శాతం నుంచి 74 శాతానికి పెంచవలసి ఉంది. తద్వారా బీమా రంగ విస్తరణకు, అధిక పెట్టుబడులకు వీలు చిక్కుతుంది. 

7. లిస్టింగ్‌, డీలిస్టింగ్‌: కేపిటల్‌ మార్కెట్లలో ప్రవేశించేందుకు, వైదొలగేందుకు విధానాలను సరళతరం చేయవలసి ఉంది. ప్రస్తుతం డీలిస్టింగ్‌లో భాగంగా ధరల నిర్ణయానికి అనుసరిస్తున్న రివర్స్‌ బుక్‌బిల్డింగ్‌ను పునఃసమీక్షించాల్సి ఉంది.

8. అన్‌లిస్టెడ్‌ కంపెనీలు: మైనారిటీ వాటాదారుల పెట్టుబడుల పరిరక్షణకుగాను అన్‌లిస్టెడ్‌ కంపెనీలకు సైతం తగిన కార్పొరేట్‌ గవర్నెన్స్‌ నిబంధనలు ప్రవేశపెట్టాలి.

9. ఎంఐఐలు: కేపిటల్‌ మార్కెట్‌ ఇన్‌ఫ్రాస్ట్రక్చర్‌ ఇన్‌స్టిట్యూట్స్‌(ఎంఐఐలు)లో విదేశీ యాజయాన్య వాటా పరిమితిని 49 శాతం నుంచి 74 శాతానికి పెంచవలసి ఉంది. తద్వారా మరిన్ని విదేశీ పెట్టుబడులను ఆకట్టుకోవచ్చు.

10. కొనుగోళ్లు-విలీనాలు: కార్పొరేట్‌ కంపెనీల కొనుగోళ్లు, విలీనాల విషయంలో నిబంధనలను క్రమబద్దీకరించవలసి ఉంది. అనుమతుల కోసం సెబీ వంటి సింగిల్‌ విండో సంస్థను ఏర్పాటు చేయాలి. నిర్థారిత కాలవ్యవధిని నిర్ణయించవలసి ఉంది. 
 



You may be interested

మెటల్‌ షేర్లు డౌన్‌

Friday 31st January 2020

కరోనా వైరస్‌ ప్రభావం మెటల్‌పై పడడంతో అంతర్జాతీయ మార్కెట్లో మెటల్‌ షేర్లు పతనమయ్యాయి. దీంతో దేశీయ మార్కెట్లోనూ శుక్రవారం మెటల్‌ షేర్లు పడిపోయాయి. నిఫ్టీలో మెటల్‌ ఇండెక్స్‌ 2 శాతం తగ్గి 2, 574 వద్ద ముగిసింది. జిందాల్‌ స్టీల్‌ 0.77 శాతం తగ్గి 177.00 వద్ద, వెల్‌స్పన్‌ కార్పొరేషన్‌ 0.73 శాతం తగ్గి 172 వద్ద, రత్నమణి మెటల్స్‌ 0.36 శాతం తగ్గి 1,230 వద్ద, హిందుస్థాన్‌ జింక్‌ 0.41 శాతం తగ్గి194

6-6.5 శాతానికి జీడీపీ వృద్ధి...ఆర్థిక​ సర్వే

Friday 31st January 2020

ఆర్థిక సర్వే అంచనా వచ్చే ఆర్థిక సంవత్సరంలో భారత ఎకానమీ 6- 6.5 శాతం మేర వృద్ధి సాధిస్తుందని ఆర్థిక సర్వే అంచనా వేసింది. ఎకానమీలో వృద్ధి క్షీణత బాటమ్‌ అవుట్‌ అయిందని తెలిపింది. ఈ ఆర్థిక సంవత్సరం వృద్ధి 5 శాతం ఉంటుందని సర్వే తెలిపింది. వచ్చే ఏడాది వృద్ది పుంజుకోవాలంటే ప్రభుత్వం సంస్కరణల పథాన్ని బలంగా అనుసరించాలని సూచించింది. సంపద పంచాలంటే ముందు సంపద సృష్టి జరగాలని తెలిపింది.

Most from this category