News


ఐపీఓ రూట్లో స్టార్టప్‌లు!

Saturday 24th August 2019
Markets_main1566621763.png-27980

  • రూ.1,000 కోట్లు సమీకరించనున్న 200 స్టార్టప్‌లు
  • ఐపీవోకి వస్తున్న తొలి స్టార్టప్‌ ‘ఆల్ఫాలాజిక్‌ టెక్‌సైస్‌’
  • ఇష్యూ ఈ నెలాఖరున ప్రారంభం; రూ.5 కోట్ల సమీకరణ

హైదరాబాద్, బిజినెస్‌ బ్యూరో: దేశీయ స్టార్టప్స్‌ ఐపీవో బాట పట్టాయి. బెంగళూరు, పుణె, ముంబై, హైదరాబాద్‌ తదితర నగరాలకు చెందిన 200కు పైగా స్టార్టప్‌లు ప్రస్తుతం ఐపీఓకి ముస్తాబయ్యాయి. దాదాపు రూ.1,000 కోట్ల నిధుల సమీకరించాలన్నది వీటి లక్ష్యం. వీటిలో భాగంగా అన్ని అనుమతులతో ఈ నెలాఖరులో పుణెకు చెందిన టెక్నాలజీ కన్సల్టింగ్‌ సర్వీసెస్‌ అండ్‌ సపోర్ట్‌ సంస్థ ‘ఆల్ఫాలాజిక్‌ టెక్‌సైస్‌ లిమిటెడ్’... ఇష్యూకు వస్తోంది. ముంబైకి చెందిన వైద్య పరికరాల తయారీ సంస్థ ట్రాన్స్‌పాక్ట్‌ ఎంటర్‌ప్రైసెస్‌ లిమిటెడ్‌ ఐపీవోకు కూడా అనుమతి వచ్చింది. వీటి దరఖాస్తులు అనుమతి పొందాయని, ఈ నెలాఖరు లేదా వచ్చే నెల మొదటి వారంలో ఇష్యూ ఆరంభమవుతుందని బీఎస్‌ఈ ఇండియా ప్రతినిధి ముఖేష్‌ షా ‘సాక్షి బిజినెస్‌ బ్యూరో’తో చెప్పారు. ఒక్కో స్టార్టప్స్‌ తొలి దశలో రూ.5 కోట్ల నిధులను సమీకరిస్తాయని తెలియజేశారు. లిస్టింగ్‌కు దరఖాస్తు చేసిన స్టార్టప్స్‌ కార్యకలాపాలు, లావాదేవీలు, మేనేజ్‌మెంట్‌ ఇతరత్రా అంశాలను పరిశీలించిన తర్వాత ఐపీవోకి అనుమతి వస్తుంది కనక... దీనికి దాదాపు 3 నెలల సమయం పడుతుందని చెప్పారాయన.
పరిశ్రమలో కొత్త ట్రెండ్‌...
దేశీ స్టార్టప్స్‌ పరిశ్రమలో ఐపీవో అనేది కొత్త ట్రెండే. ఎందుకంటే స్టార్టప్స్‌కు కార్యకలాపాల విస్తరణకు నిధులు కావాలంటే ఇప్పటిదాకా వెంచర్‌ క్యాపలిస్ట్‌ (వీసీ), సంస్థాగత పెట్టుబడిదారుల వైపు చూడాల్సి వస్తోంది. దీంతో స్టార్టప్‌లలో మెజారిటీ వాటా వారి చేతుల్లోకి వెళ్లటం, వారి నియంత్రణలో కార్యకలాపాలు సాగించాల్సి రావటం జరుగుతోంది. బీఎస్‌ఈ లిస్టింగ్‌తో ఈ ఇబ్బందులు తప్పుతాయని స్టార్టప్‌ వర్గాలు చెబుతున్నాయి.
ఐపీవోకి అర్హతలివే..
- ఐటీ, ఐటీఈఎస్, ఆర్టిఫిషల్‌ ఇంటలిజెన్స్‌ (ఏఐ), బిగ్‌ డేటా, ఈ–కామర్స్, వర్చువల్‌ రియాలిటీ (వీఆర్‌), బయోటెక్నాలజీ అండ్‌ లైఫ్‌ సైన్సెస్, త్రీడీ ప్రింటింగ్, స్పేస్‌ టెక్నాలజీ, హైటెక్‌ డిఫెన్స్, నానో టెక్నాలజీ వంటి విభాగాల్లోని స్టార్టప్స్‌కు లిస్టయ్యే అవకాశముంది.
- ఎంఎస్‌ఎంఈ లేదా డిఐపీపీలో నమోదైన స్టార్టప్స్‌కు మాత్రమే బీఎస్‌ఈలో లిస్టయ్యే అర్హత ఉంటుంది. వీటిల్లో నమోదు కాని వాటికి రూ.కోటి చెల్లించిన మూలధనం ఉండాలి.
- కంపెనీల చట్టం కింద రిజిస్టరయి... కనీసం రెండేళ్ల వ్యాపార కార్యకలాపాలు నిర్వహించి ఉండాలి. వెబ్‌సైట్‌తో పాటు షేర్లు డీమ్యాట్‌ రూపంలో ఉండాలి.
- ఏడాది కాలంలో స్టార్టప్స్‌ ప్రమోటర్లలో ఎలాంటి మార్పులూ ఉండకూడదు. డైరెక్టర్లపై నిషేదం ఉండకూడదు కూడా.



You may be interested

ఎఫ్‌పీఐ, డీఐఐలపై అదనపు సర్‌చార్జీ రద్దు!

Saturday 24th August 2019

ఎఫ్‌పీఐ(విదేశి పోర్టుపోలియో ఇన్వెస్టర్లు)లపై విధించిన అదనపు సర్‌చార్జీలను ఉపసంహరించుకోడంతోపాటు, ఆర్థిక వ్యవస్థ తిరిగి పుంజుకోడానికి ఆటో సెక్టార్‌, మౌలిక రంగ అభివృద్ధి కోసం తీసుకునే చర్యలను శుక్రవారం కేంద్ర ఆర్థిక మంత్రి నిర్మలా సీతారామన్‌ ప్రకటించారు. ఎఫ్‌పీఐలకు సర్‌చార్జీ మినహాయింపు ఇవ్వడంతో పాటు, లాంగ్‌, షార్ట్‌ టెర్మ్‌ క్యాపిటల్‌ లాభాలపై విధించే పన్నులను, దేశియ సంస్థాగత ఇన్వెస్టర్ల(డీఐఐ)లపై విధించిన అదనపు సర్‌చార్జీలను కూడా ఉపసంహరించుకోవాలని ప్రభుత్వం నిర్ణయించింది.  ‘క్యాపిటల్‌ మార్కెట్లో

ఆర్థిక రంగాన్ని సరిదిద్దుతాం..!

Saturday 24th August 2019

ఆటో సహా పలు రంగాలకు ప్రోత్సాహకాలు దేశ, విదేశీ ఇన్వెస్టర్లపై సర్‌చార్జీ పెంపు ఉపసంహరణ హెచ్‌ఎఫ్‌సీలకు అదనంగా రూ.20,000 కోట్లు ప్రభుత్వరంగ బ్యాంకులకు రూ.70,000 కోట్లు చౌకగా హౌసింగ్‌, ఆటో, రిటైల్‌ రుణాలు ఎంఎస్‌ఎంఈలకు 30 రోజుల్లోనే జీఎస్టీ రిఫండ్‌లు కేంద్ర ఆర్థిక మంత్రి సీతారామన్‌ ప్రకటన  న్యూఢిల్లీ:- మందగమనంలో ఉన్న దేశ ఆర్థిక వ్యవస్థలో ఉత్సాహాన్ని నింపే పలు చర్యలను కేంద్ర ఆర్థిక మంత్రి నిర్మలా సీతారామన్‌ ప్రకటించారు. శుక్రవారం ఢిల్లీలో నిర్వహించిన మీడియా సమావేశంలో పలు కీలక

Most from this category